Ռուսական ՀՕՊ-ը մեկ օրում 2 ուկրաինական մարտական ինքնաթիռ ու 5 ԱԹՍ է խոցել
ՄԻՋԱԶԳԱՅԻՆ
Ռուսական հակաօդային պաշտպանության համալիրներն անցած օրվա ընթացքում ոչնչացրել են ուկրաինական Սու-25 մեկ գրոհային, ՄիԳ-29 կործանիչ ու հինգ անօդաչու թռչող սարք: Տեղեկությունը հայտնել է ՌԴ պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը:
Բացի այդ, ՀՕՊ-ը չորս «Տոչկա-Ու» հրթիռներ է որսացել ԼԺՀ-ում ու Խարկովի մարզում, ինչպես նաև «Ուրագան» համազարկային կրակի ռեակտիվ համակարգի երեք արկ ԴԺՀ-ում ու Խարկովի մարզում:
Մեկ օրում ռուսական ավիացիան Ուկրաինայում ոչնչացրել է ավելի քան 150 ազգայնական, ինչպես նաև 6 տանկ, 4 հրետանային զենք և երկու «Գրադ» համազարկային հրթիռային կայանքներ:
«Օպերատիվ-մարտավարական և բանակային ավիացիայով խոցվել է զինված ուժերի կենդանի ուժի և ռազմական տեխնիկայի կենտրոնացման 46 շրջան», - ասել է նա:
Կոնաշենկովը հայտնել է, որ ընդհանուր առմամբ, ռուսական հրթիռային զորքերն ու հրետանին անցած օրվա ընթացքում ոչնչացրել են ավելի քան 350 ազգայնական, 11 ուկրաինական սպառազինության ու զինամթերքի պահեստ, կառավարման 62 կետ, հրետանու 138 կրակային դիրք:
«Հրթիռային զորքերի և հրետանու կողմից խոցվել է կառավարման 62 կետ, հրետանու 138 կրակային դիրք, ինչպես նաև ԶՈւ կենդանի ուժի ու ռազմական տեխնիկայի կենտրոնացման 303 շրջան: Հրետանու հարվածների հետևանքով ոչնչացվել են ավելի քան 350 ազգայնական, յոթ միավոր զրահատեխնիկա, «Գրադ» համազարկային կրակի ռեակտիվ համակարգերի երկու կայանքն, հինգ դաշտային հրետանի ու ականանետ, 16 հատուկ ավտոմեքենա, ինչպես նաև հրթիռահրետանային սպառազինության, զինամթերքի ու վառելիքի 11 պահեստ»,-ասել է նա:
Կոնաշենկովը նշել է, որ հատուկ ռազմական գործողության ընթացքում ոչնչացվել են 195 ինքնաթիռ, 130 ուղղաթիռ, 1168 անօդաչու թռչող սարք, 336 զենիթային հրթիռային համալիր, 3484 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 499 կայանքներ, 1843 դաշտային հրետանի ու ականանետ, ինչպես նաև 3528 միավոր հատուկ ռազմական ավտոմոբիլային տեխնիկա:
