Սա ուղղակի գործողություն է Նիկոլ Փաշինյանի կողմից՝ իր անձնական իշխանությունն ամրապնդելու
ՔԱՂԱՔԱԿԱՆՈՒԹՅՈՒՆԿառավարությունը փոփոխություններ է նախատեսում բանակում, որոնց արդյունքում գլխավոր շտաբի պետը կենթարկվի պաշտպանության նախարարին։ Գործադիրը այսօր ընդունեց նախագիծը։
Ըստ նախագծի՝ նախատեսվում է նոր խմբագրությամբ շարադրել պաշտպանության ոլորտում Կառավարության լիազորությունները, խմբագրվում և հստակեցվում են ՀՀ վարչապետի, ՀՀ պաշտպանության նախարարության և Զինված ուժերի գլխավոր շտաբի ու ՀՀ պաշտպանության նախարարի ու ԶՈՒ գլխավոր շտաբի պետի լիազորությունների շրջանակը, Զինված ուժերի գլխավոր շտաբի պետի պաշտոնը նախատեսվում է որպես ՀՀ պաշտպանության նախարարի առաջին տեղակալ։
Ռազմական փորձագետ Կարեն Վրթանեսյանի խոսքով՝ մի վատ բանի անունը եթե լավ անուն ես դնում, դրանից ինքը չի դառնում դրական.
«Ժամանակին, հետևելով ժողովրդավարական պետություններում տարածված սկզբունքներին, տարանջատվել են զինված ուժերը և զինված ուժերի քաղաքական ղեկավարությունը։ Սա բոլոր զարգացած դեմոկրատական երկրներին բնորոշ մոտեցում է։ Հիմա, ըստ էության, Հայաստանում հակառակ պրոցեսն է արվում, այսինքն նորից զինված ուժերը միացնում են քաղաքական կառույցին։ Բացասականն այն է, որ բանակը ուղիղ ներգրավվում է քաղաքական պրոցեսների մեջ։
Սա ուղղակի գործողություն է Նիկոլ Փաշինյանի կողմից՝ իր անձնական իշխանությունը ամրապնդելու, մյուս կողմից սա բավականին վտանգավոր գործողություն է, որովհետև ՊՆ նախարարը տվյալ դեպքում դառնում է ամենամեծ ուժը ունեցող պաշտոնյան։ Այսինքն, եթե Նիկոլ Փաշինյանը հիմա վախենում է զինվորականներից ու իմ պատկերացմամբ փորձում է չեզոքացնել այդ վտանգը, նույն ձևի վտանգ իր համար հետո դառնալու է ՊՆ նախարարը։ Մարդկության պատմությունը լի է օրինակներով, երբ ինչ-որ իր սրտի մարդ իշխանության համը ընկնում է բերանը միանգամից մոռանում է այդ մասին և սկսում է մտածել թե ինքն ինչով է ավելի վատը և արդյոք ինքը չի կարող ավելի լավ ղեկավարել և վայելել իշխանությունը։ Այո մարդկության պատմությունը ցույց է տալիս որ սովորաբար այդպես էլ լինում է։ Այսինքն ինչ որ պահի դա շրջվում է իր դեմ»,- 1or.am-ի հետ զրույցում ասաց Վրթանեսյանը։
Մարիամ Նալբանդյան
