«Նիկո՛լ, հեռացիր՛». Հայաստանում բողոքի ակցիաներ են
ՔԱՂԱՔԱԿԱՆՈՒԹՅՈՒՆ
Politnavigator.net-ը գրում է, որ Հայաստանի մայրաքաղաքի կենտրոնական փողոցներում կրկին բուռն կրքերի հրաբուխ է։ Պատճառը բողոքի տևական ակցիաներն են, որոնք իրականացնում են երկրի ընդդիմադիր հատվածի ներկայացուցիչները։ Ցուցարարները պարզում են Հայաստանի դրոշը և վանկարկում «Նիկո՛լ, հեռացի՛ր»՝ իշխող ուժին մեղադրելով դավաճանության և Արցախը Ադրբեջանին հանձնելու փորձի մեջ։
Այն մասին, թե արդյո՞ք Հայաստանի ընդդիմությունը կկարողանա տապալել գործող վարչապետ Նիկոլ Փաշինյանի գլխավորած իշխանությանը, և որո՞նք են հաջողության շանսերը, PolitNavigator-ը փորձել է պարզել քաղաքագետ Հայկ Խալաթյանից։
- Ըստ Ձեզ՝ ընդդիմությունը կկարողանա՞ հայ ժողովրդի աջակցությունը ստանալ։
- Այս փուլում դժվար է ասել։ Այո՛, հայ ժողովրդի մեծամասնության համար անընդունելի է Փաշինյանի քաղաքականությունը, որն ուղղված էր Արցախը հանձնելուն։ Իհարկե, կա նաև մի խումբ, որը խիստ բացասական է վերաբերվում Նիկոլ Փաշինյանի և նրա թիմի գործողություններին, բայց պասիվ է Հայաստանում ընթացող գործընթացների նկատմամբ։ Բողոքի ակցիաների զանգվածային բնույթն ու դրանց հաջողությունը կախված կլինի միայն նրանից, թե արդյո՞ք ընդդիմությունը կկարողանա հասնել բնակչության բոլոր շերտերին, բացատրել նրանց, որ միայն Փաշինյանին հեռացնելը կօգնի փրկել Արցախն ու հայոց պետականությունը:
- Ինչպե՞ս է վարվելու Նիկոլ Փաշինյանը։ Նա կփորձի՞ ուժ կիրառել խաղաղ ցուցարարների նկատմամբ։
- Նիկոլ Փաշինյանը մինչև վերջ պայքարելու է երկրում իր իշխանության համար և կանգ չի առնելու ոչ մի բանի առաջ։ Նա, իմ կարծիքով, անհրաժեշտության դեպքում կկիրառի ճնշման ուժային լծակներ, մասնավորապես, եթե բողոքի ակցիաները փոքրաթիվ լինեն։ Միայն մեծ թվով մարդիկ կկարողանան ուժային կառույցների ղեկավարությանը հետ պահել ցուցարարներին ուժով ցրելու Փաշինյանի հանցավոր հրամանները չկատարելուց։
-Որո՞նք են այսօր Հայաստանի ընդդիմության հաջողության շանսերը: Կկարողանա՞ն հասնել իրենց նպատակին, որն ուղղված է Հայաստանում իշխանափոխությանը։
- Ընդդիմադիր հատվածի ներկայացուցիչները չունեն հանրային կարծիքը մշակելու և մարդկանց փողոց դուրս բերելու այն ապացուցված տեխնոլոգիաները, որոնք ուներ Փաշինյանը։ Բացի դա ի տարբերություն նախկին նախագահ Սերժ Սարգսյանի Փաշինյանը գնալու է ամեն ինչի, անհրաժեշտության դեպքում նույնիսկ արյունահեղություն է կազմակերպելու իշխանությունը պահպանելու համար։ Ընդդիմադիրները պետք է հայ հասարակությանը հասցնեն այն միտքը, որ իրենք պատրաստ են մինչև վերջ գնալ հայրենիքը փրկելու համար։ Անկեղծությունն ու անձնազոհությունը կարող են օգնել նրանց արթնացնել հայ հասարակության գիտակից հատվածին, տասնյակ, հարյուր հազարավոր մարդկանց դուրս բերել Երևանի փողոցներ և հասնել վստահ հաղթանակի։
Նյութը հրապարակման պատրաստեց Կամո Խաչիկյանը
