Les Cèdres վիլլան՝ աշխարհի ամենաթանկարժեք բնակելի տունն է: Ժամանակն է եկել վերահաշվարկել խնայողությունները, քանի որ այն հանել են վաճառքի:
1or.am-ի տեղեկություններով այն գտնվում է Ֆրանսիայի հարավում, Նիցցայից ոչ հեռու գտնվող նախկին ձիթապտղի ֆերմայի մասին, որը կառուցվել է 1830թ․: Շրջանը կոչվում է Սեն Ժան Կապ Ֆերրա: Դա կուրորտային վայր է՝ դեպի բաց ծավ դուրս եկող հրվանդանի վրա, որտեղ կարելի է հանդիպել Microsoft-ի համահիմնադիր Փոլ Ալլենին և երաժիշտ Էլթոն Ջոնին:
Bloomberg-ի հաշվարկներով վիլլայի գինն է՝ 410 միլիոն դոլար: Համեմատության համար՝ կղզու գները՝ սկսում են 100 000 դոլարից, իսկ Բեյոնսեի առանձնատան գինը կազմում եմ 200 միլիոն դոլար:
Վիլլան ժամանակին պատկանել է Բելգիայի Լեոպոլդ 2-րդ թագավորին: 35 ակրի վրա տնկած են 14000 բույս՝ դրանք հիմնականում ձիթապտղի ծառեր են, որոնցից ամենահինը՝ 300 տարեկան է: Նաև այստեղ կա 25 ջերմոց, օլիմպիական չափսերի լողավազան և ․․․ բազում էսթետիկ հաճույքներ: Վերջինին կարելի է վերագրել մեզ համար մի փոքր անսովոր տան ավազավարդագույն երանգով տեսքը և Աթենայի բրոնզաձույլ արձանը:
Տան մակերեսը կազմում է 18 000 քառակուսի մետր՝ 14 ննջարան, մի քանի հյուրասենյակ, որոնք, ճիշտն ասած՝ ավելի շատ նման են թանգարանի: Գրադարանում պահվում են 3000 գիրք, որոնցից մեկը տպագրվել է 1640թ․: Նշենք, որ կահույքը ընդգրկված չէ գնի մեջ, բայց այն նույնպես կարելի է գնել: Նախնական գինն այդքան բարձր է՝ հողի, տան չափսերի և նրա դիրքի պատճառով:
Վիլլան անկասկած գեղեցկուհի է: Իսկ բնապատկերներն անգին են: Տանիքում գտնվնող տեռասայից կարելի է հիանալ Վիլֆրանշ ցյուր Մեր միջերկրական կուրորտով և Էզ քաղաքի դեռևս միջին դարերում կառուցված ուղեկամուրջով, իսկ արևելքում նկատվում է Ֆրանսիայի և Իտալիայի միջև գտնվող սահմանը: Համաձայնվեք, ինչպե՞ս կարելի է այս ամենի համար ավելի քիչ գին պահանջել:
