Ադրբեջանը կեղծավոր է վարվել Ռուսաստանի նկատմամբ. քաղաքագետ
ՄԻՋԱԶԳԱՅԻՆ
Regnum.ru-ն գրում է, որ Ռուսաստանը պետք է վճռականորեն ցույց տա Ադրբեջանին, որ ապագայում չի հանդուրժի երկերեսանիություն երկկողմ հարաբերություններում։ Այդ մասին REGNUM-ի թղթակցին ասել է քաղաքագետ Ասլան Ռուբաևը։
«Այսպիսի դժվար պահին, երբ Ռուսաստանը գտնվում է պատժամիջոցների տակ, հատուկ գործողություն է իրականացնում Ուկրաինայում, փորձում է դիմակայել ողջ ոչ քաղաքակիրթ Արևմուտքին, ամենամոտ ընկերներն ու դաշնակիցները չպետք է իրենց այդպես պահեն։ Կցանկանայի, որ Ռուսաստանի ադրբեջանական համայնքը Իլհամ Ալիևին պատասխանատու պահվածքի կոչ աներ: Հակառակ դեպքում ընկերություն չի լինի, հակառակ դեպքում, կարելի է գոռալ, որ մենք ընկերներ ենք, և միևնույն ժամանակ օգտագործել կեղծավոր երկակի և եռակի ստանդարտներ։ Ուստի պետք է խստորեն Ալիևին ասել, որ նա որոշի. կա՛մ մեզ հետ է, կա՛մ մեզ հետ չէ։ Եթե նա մեզ հետ չլինի, ուրեմն մենք բոլորովին այլ քաղաքականություն ենք կիրառելու նրա նկատմամբ, և այլևս չեն կարող լինել գործընկերային պայմանագրեր։ Եթե Ալիևը ցանկանում է լինել Թուրքիայի հետ, ապա թող լինի Թուրքիայի հետ, բայց այդ դեպքում թող չմոռանա, որ մենք Հայաստանի տարածքում ռազմաբազա ունենք, և եթե ադրբեջանական ռմբակոծության հետևանքով այնտեղ որևէ մեկը տուժի, ապա Ուկրաինայից հատուկ գործողությունը կտեղափոխենք Ադրբեջան։ Ընդ որում Ադրբեջանը Ուկրաինա չէ, այն շատ ավելի փոքր է»։
Հիշեցնենք, որ մարտի 24-ին Ադրբեջանը, խախտելով նախկինում ձեռք բերված պայմանավորվածությունները, սկսել էր առաջխաղացում հայկական ուժերի հետ շփման գծում։
Նյութը հրապարակման պատրաստեց Կամո Խաչիկյանը
