«Ոչ մի քայլ առանց համաձայնության». ուկրաինացիները պետք է հասկանան Ադրբեջանի գործողությունները Ղարաբաղում
ՀԱՍԱՐԱԿՈՒԹՅՈՒՆ
nv.ua-ն գրում է, որ չնայած բոլոր դժվարություններին, Ռուսաստանը կփորձի Ադրբեջանին և Հայաստանին պահել իր «սեփական ուղեծրում», իսկ ուկրաինական լսարանը պետք է հասկանա Մոսկվայի և Բաքվի միջև փոխզիջումների փաստը: Նման կարծիք է հնչել Բանակի հետազոտության հարավ-կովկասյան մասնաճյուղի ղեկավար Վլադիմիր Կոպչակը Radio NV-ի եթերում: «Ադրբեջանը, ինչպես ոչ ոք, հասկանում է, թե Կրեմլը որքան թուլացած է Ուկրաինայի պատերազմի պատճառով: Դա աքսիոմա է։ Մյուս կողմից, կա համոզմունք, որ առանց Մոսկվայի համաձայնության Ադրբեջանը ոչ մի կտրուկ քայլի չի գնա։ Եթե նույնիսկ ռուսական շևրոնով «մեկուկես հաշմանդամ» լինի Ղարաբաղում, միևնույն է, Ադրբեջանը հարձակման չի գնա»,- ասել է նա։
Փորձագետի կարծիքով, պաշտոնական Բաքուն կշարունակի դիվանագիտություն վարել Մոսկվայի հետ որոշակի քայլերի համաձայնեցմամբ։ «Կրեմլի Ուկրաինա լայնամասշտաբ ներխուժման նախօրեին ստորագրված դաշնակցային հռչակագրում առկա պայմանները նույնպես չպետք է մոռանալ։ Եվ մի հետաքրքիր պահ էլ այն է, որ Ադրբեջանի ՊՆ-ն իր հաղորդագրության մեջ ակնարկել է Ռուսաստանի Դաշնությանը, որ հենց նա է խախտում այդ պայմանները»,- հավելել է Կոպչակը։
«Կրկին տեսնում ենք Կրեմլի դասական դեպքը՝ ապասրացում սրացման միջոցով։ Իհարկե, հայ հասարակությունը վրդովված է, Երևանը վրդովված է և փորձում է ներգրավել Փարիզին ու Վաշինգտոնին, ինչը դեռ արդյունք չի տվել։ Բայց Ռուսաստանի Դաշնությունը, անգամ ցնցումների մեջ հայտնվելու դեպքում չի հրաժարվի Հայաստանն ու Ադրբեջանը իր ուղեծրում պահելու ծրագրերից»,- ամփոփել է վերլուծաբանը։
Նյութը հրապարակման պատրաստեց Կամո Խաչիկյանը
