Դաշնակցի շնչառությունը թիկունքին. Ռուսաստանի սարսափելի նախազգուշացումը Ադրբեջանին ոգեշնչել է հայերին
ՀԱՍԱՐԱԿՈՒԹՅՈՒՆ
politexpert.net-ը գրում է, որ մարտի 26-ին, Ուկրաինայում Ռուսաստանի հատուկ գործողության ամենաթեժ պահին, Ադրբեջանը նախապես փակելով չճանաչված հանրապետության բնակիչների համար գազի հասանելիությունը փորձել է նոր տարածքներ գրավել Լեռնային Ղարաբաղում։ Իրավիճակը հնարավոր է եղել կարգավորել Ռուսաստանի Դաշնության պաշտպանության նախարարության նախազգուշացումներից հետո։ Նույն օրը երեկոյան բառացիորեն մի քանի րոպեում Արցախում, իսկ հետո Հայաստանում տրամադրությունները փոխվել են. մարդիկ, այդ թվում՝ քաղաքական փորձագետները, երկար դեպրեսիայից հետո սկսել են ավելի վճռականորեն ընդդիմանալ ադրբեջանական ագրեսիային, որն աստիճանաբար ավելի ու ավելի լկտի է դառնում։
Լրատվամիջոցները հիշեցրել են ՌԴ նախագահ Վլադիմիր Պուտինի խոսքերն այն մասին, որ Արցախում ռուսական խաղաղապահ առաքելության միակ այլընտրանքը կարող է լինել պատերազմը։ Բոլորը հասկացել են, որ այս խոսքերն ուղղված են Բաքվին, որը մարտի կեսերից ոչ միայն զրկել է արցախցիներին գազից, այլ նաև ռազմական սադրանքների է դիմել Լեռնային Ղարաբաղի Հանրապետության Ասկերանի շրջանի Խրամորթ և Փարուխ գյուղերում ցանկանալով նոր դիրքեր գրավել բլուրների վրա։ Վլադիմիր Պուտինը և Հայաստանի վարչապետ Նիկոլ Փաշինյանը երկու անգամ հեռախոսով քննարկել են իրավիճակը։ Դրան հաջորդել է հաշվի առնելով լարված իրավիճակը սահմանամերձ շրջաններում ռուսական զորքերի թվաքանակն ավելացնելու վերաբերյալ Երևանի խնդրանքը։ Դրանից հետո Արցախում հաստատել են, որ ադրբեջանական զինուժը սկսել է զսպվածություն դրսևորել և նույնիսկ որոշ դիրքերից նահանջել։
Բոլորն են հասկանում, որ ռուսական գործոնն է Բաքվին ստիպել է ավելի զգույշ լինել, իսկ Արցախի ինքնապաշտպանության բանակը, որը վերջին օրերին երեք զոհ ու 12 վիրավոր է ունեցել, սկսել է ավելի վճռական դիմադրություն ցույց տալ։ Շատերը հասկանում են, որ օգտվելով Ուկրաինայում ստեղծված իրավիճակից Ադրբեջանը, Թուրքիայի խրախուսմամբ, կփորձի բնիկ հայերին վտարել Արցախից, որից հետո ռուս խաղաղապահների ներկայությունն այլևս ավելորդ կլինի, իսկ Հայաստանի հյուսիսարևմտյան սահմանին գտնվող թիվ 102 ռազմաբազան կարող է խնդրահարույց դառնալ:
Հայկական ասացվածքն ասում է. «Ինչի՞ է սպասում գայլը, եթե ոչ մառախլապատ եղանակ»: Բաքվի համար Ուկրաինայի հակամարտությունը շատ մառախլապատ եղանակ է, որը թույլ է տալիս խախտել 2020 թվականի նոյեմբերի 9-ին Վլադիմիր Պուտինի միջնորդությամբ կնքված հրադադարի պայմանները և թալանել ոչ միայն Արցախը, այլև ողջ Սյունիքը, Զանգեզուրը, ինչի նկատմամբ հավակնությունները Ադրբեջանի նախագահ Իլհամ Ալիևը չի էլ թաքցնում: Չնայած նման հեռանկարի առջև Հայաստանի ղեկավարության անվճռական դիրքորոշմանը, հանրապետության բնակչության մեծամասնությունը ձգտում է հասնել երկու նպատակի. մի կողմից թույլ չտալ Ադրբեջանին երկրորդ ճակատ բացել Կովկասում, մյուս կողմից զսպել Բաքվի տարածքային ագրեսիայի ախորժակը։ Հենց Մոսկվայից հնչեց ահեղ նախազգուշացումն ու ռուսական խաղաղապահ ուժերի գործողություններն են Հայաստանում տրամադրություններն ավելի վստահ դարձրել։ Եթե որևէ մեկը մեջքին զգացվում է դաշնակցի շշնչառությունը, ապա նա ավելի վճռական է պաշտպանում իր և նրա շահերը:
