Ուկրանացիստները գործում են Երևանում. Կիևը փորձում է գժտեցնել Հայաստանին և Ռուսաստանին
ՀԱՍԱՐԱԿՈՒԹՅՈՒՆ
politnavigator.net-ը գրում է, որ բարձրագոչ հայտարարություններ, որոնք այսօր կարելի է անվանել միայն պարանոիդ շիզոֆրենիա, անում են գրեթե բոլորը՝ սկսած ԱՄՆ-ի և ԵՄ երկրների բարձրաստիճան պաշտոնյաներից մինչև աշխարհի տարբեր երկրներում գտնվող ուկրաինացի դիվանագետներ։ Պաշտոնական Կիևը շարունակում է հիստերիա հրահրել Ռուսաստանի իբր «հարձակողական» հատուկ ռազմական գործողության դեմ ընդդեմ...Օրերս Հայաստանի Հանրապետությունում Ուկրաինայի գործերի ժամանակավոր հավատարմատար Դենիս Ավտոնոմովը Երևանում ցույց էր կազմակերպել ի պաշտպանություն Ուկրաինայի։ Դրա մասնակիցները ակտիվորեն հակառուսական տրամադրություններ են հայտնել ծածանելով երկրի կապույտ- դեղին դրոշները և բացականչելով «Փառք Ուկրաինային»։ Ընթերցողին հիշեցնենք, որ ավելի վաղ այդ ուկրաինացի դիվանագետը, պատասխանելով հայ լրագրողների հարցին, բացատրել էր, թե ինչ քայլեր կձեռնարկի Կիևը, եթե Հայաստանը ճանաչի ԴԺՀ-ն և ԼԺՀ-ն։ «Նրանք, ովքեր կճանաչեն այդ կազմավորումները Կրեմլի բարեկամ բռնապետական ռեժիմների որոշակի հատվածներ են, հենց նրանց կողմից էլ ճանաչում կլինի։ Կշահե՞ն դրանից, իհարկե ոչ։ Դրանից կշահի միայն Մոսկվան։ Իսկ Ուկրաինայի կողմից միանշանակ կլինի արձագանք»,- սպառնացել էր նա։ Նրա խոսքով արձագանքի ձևը կախված կլինի իրավիճակից։
Ինչո՞վ է պայմանավորված Հայաստանում Ուկրաինայի գործերի ժամանակավոր հավատարմատար Դենիս Ավտոնոմովի նման պահվածքը հաշվի առնելով այն հանգամանքը, որ Հայաստանը ոչ միայն ՀԱՊԿ այլ նաև ԵԱՏՄ անդամ է: PolitNavigator-ը փորձել է այդ ամենը պարզել վերլուծաբան Մարիամից Հովսեփյանից։
-Այո, Հայաստանում Ուկրաինայի գործերի ժամանակավոր հավատարմատար Դենիս Ավտոնոմովն անձամբ է մասնակցել Երևանում տեղի ունեցած չարտոնված հանրահավաքին, որն անցկացվել է ի պաշտպանություն Ուկրաինայի։ Այդ դրսևորումն այսօր արդեն կարելի է հանգիստ անվանել հակառուսական, հակապուտինյան։ Քաղաքապետարանի հետ չհամաձայնեցված հանրահավաքին պարոն Ավտոնոմովը ոչ միայն ներկա է եղել , այլ նաև կազմակերպել ու ղեկավարել է այն։ Ուկրաինացի դիվանագետը, բառիս բուն իմաստով, կանգնել է «Եվրոպական Հայաստան» կուսակցության նախագահ Տիգրան Խզմալյանի հետ, ով, իմ կարծիքով, բավականին կասկածելի ընկեր է։ Նա փորձում է Հայաստանը վերածել Վրաստանի կամ բուն Ուկրաինայի, որտեղ նրանց թիկունքում կանգնած կլինեն արևմտյան ուժերը։ Դեռևս 2014 թվականին է Հայաստանը կատարել իր ընտրությունը և գնացել եվրասիական, այլ ոչ թե եվրոպական ինտեգրման ճանապարհով։ Այսօր Խզմալյանի և Ավտոնոմովի նման անձիք փորձում են հայ երիտասարդ տղաներին ներգրավել ինչ որ հակառուսական հանրահավաքների մեջ։ Նրանց դա չի հաջողվի, քանի որ հայ երիտասարդությունը չի պատրաստվում դեմ գնալ Ռուսաստանին։ Ասվածի ամենավառ հաստատումը, ակնհայտորեն, այն է, որ հայ երիտասարդությունը կազմակերպել էր «Z» երթ, որի մասնակիցները դեմ են արտահայտվել ֆաշիզմին և նացիզմին այնպես, ինչպես մեր պապերն ու նախապապերը Երկրորդ համաշխարհային պատերազմի ժամանակ։
-Ինչպիսի՞ն է իշխող վերնախավի դիրքորոշումը, կամ արձագանքը այդ ամենին։
–Իշխանությունները հավատարիմ են չեզոքությանը, քանի որ Ուկրաինայի տարածքում մոտ կես միլիոն հայ է ապրում։ Իհարկե, իշխանությունները նման կերպ մտածում են մեր եղբայրների ու քույրերի անվտանգության հարցերից ելնելով։ Այնուամենայնիվ ինչպես տեսանելի է երկրում կա ժողովրդական աջակցություն Ռուսաստանին, իսկ հակառուսական ցույցին մասնակցած մարդկանց ճնշող մեծամասնությունը ծագումով սլավոնական էին, սրանք կա՛մ նույն «Ավտոնոմովի» աշխատակիցներն էին, կա՛մ նրանք, ովքեր փախել են հայրենիքից որպեսզի չզորակոչվեն բանակ, այդպիսին են օրինակ Ռուսաստանում Նավալնիի կողմնակիցները կամ ուկրաինական «հայրենասերները»։
-Ո՞րն է ընդդիմադիր կուսակցությունների վարքագիծը։ Արդյո՞ք նրանք կո՞ղմ են Ուկրաինային աջակցելուն, որպեսզի հնարավորինս արդիականացնեն հակառուսական տրամադրությունները հանրապետությունում։
-Ինչ վերաբերում է ընդդիմությանը, ապա նրանց մի մասը Ռուսաստանի Դաշնության մոլի կողմնակիցներ են, իսկ երկրորդ մասն այս փուլում չի երևում կամ չի արտահայտվում։ Իմ կարծիքով, նրանք ամեն դեպքում հանդես չեն գա ի պաշտպանություն Ուկրաինայի, քանի որ Ուկրաինան չէր թաքցնում իր քաղաքական դիրքորոշումը Հայաստանի և Ադրբեջանի միջև 44-օրյա պատերազմի ժամանակ։
Հայաստանում Ուկրաինային աջակցում է միայն Խզմալյանի կուսակցությունը, մնացածը կա՛մ ռուսամետ են, կա՛մ չեզոք։ Այսօր բոլորին պարզ է, որ Եվրոպան պարզապես օգտագործում է Ուկրաինային որպես Ռուսաստանի և Պուտինի դեմ պայքարի տարր, և ոչ ավելին։
– Դենիս Ավտոնոմովին կամ նրա նման մեկին կհաջողվի՞ խարխլել ռուս-հայկական հարաբերությունները։
– Միանշանակ ոչ, այսօր Հայաստանն ավելի ռուսամետ է, քան երբևէ։ Հայաստանի իշխանությունները պետք է այնպես անեն, որ Ուկրաինայի կողմից նման փորձերը այլևս չկրկնվեն։ Հայաստանն, իհարկե, հյուրընկալ երկիր է, բայց լավ կլինի, որ հյուրերը պահպանեն կանոնները և համերաշխ լինեն պաշտոնական Երևանի արտաքին քաղաքական ուղղվածության հետ։ Նրանք կարող են հանգիստ ապրել, աշխատել, ստեղծագործել, ունենալ տարբեր քաղաքական հայացքներ, բայց չեն կարող Պուտինի դեմ պայքարել Երևանի փողոցներում, դա հենց այնպես չի ներվի։
Նյութը հրապարակման պատրաստեց Կամո Խաչիկյանը
