Բժիշկը խորհուրդ է տվել հետաձգել կոսմետիկ պրոցեդուրաները COVID-19-ից հետո
ՀԱՍԱՐԱԿՈՒԹՅՈՒՆ
Ria.ru-ն գրում է, որ բոտեքս, լազերային կոսմետոլոգիա, դաջվածք, մերսում, սոլյարիում. այս բոլոր պրոցեդուրաներն ազդում են արյան միկրոշրջանառության վրա, հետևաբար, կորոնավիրուսից հետո խորհուրդ է տրվում մեկ ամիս սպասել և թեստեր անցնել նախքան գեղեցկության մասնագետների մոտ գրանցվելը; Այդ մասին Ria.ru-ին հայտնել է NTI HealthNet-ի Կանխարգելիչ բժշկության կենտրոնի ղեկավար, բժշկական գիտությունների թեկնածու Սերգեյ Չուդակովը։
«Անհրաժեշտ է վերահսկել արյան մակարդման վիճակը՝ կատարել հեմոստազի մանրակրկիտ անալիզ, ինչպես նաև ստուգել թրոմբի ձևավորումը՝ D-դիմերը: Եթե դրանք նորմայից բարձր են, ապա պրոցեդուրաները չեն կարող իրականացվել», - ասել է Չուդակովը:
Նա պարզաբանել է, որ դեմքի բոտեքսի և լազերային պրոցեդուրաների դեպքում ուղեղի թրոմբոցի վտանգ կա։ «Ի դեպ, անոթների հետ կապված խնդիրներ կան նաև առանց Covid-ի, ուստի նորմալ կոսմետոլոգները միշտ նախքան միջամտություն իրականացնելը անալիզներ են նշանակում»,- հավելել է բժիշկը։
Ոտքերի ազդեցության դեպքում՝ մերսում, սոլյարիում, պետք է նաև անոթների ուլտրաձայնային հետազոտություն կատարել, ընդգծել է փորձագետը։
«Եթե COVID-19-ն ասիմպտոմատիկ չէր, ապա թեստերից և ընդհանուր վիճակի նորմալացնելուց հետո խորհուրդ է տրվում մեկ ամիս դադար տալ և սպասել, որ օրգանիզմը լիովին ապաքինվի, բայց դա այն դեպքում, եթե չկան բարդություններ, չկա հետկովիդային համախտանիշ։ Ախտանիշները, ինչպիսիք են հոգնածության զգացումը, հիշողության խանգարումը նույնպես կարող են կապված լինել արյան միկրոշրջանառության հետ կապված խնդիրների հետ Covid-ից հետո»,- եզրափակել է Չուդակովը։
Նյութը հրապարակման պատրաստեց Կամո Խաչիկյանը
