Զելենսկին հայտարարել է, որ պատրաստ է բանակցություններ վարել Պուտինի հետ
ՔԱՂԱՔԱԿԱՆՈՒԹՅՈՒՆ
Ուկրաինայի նախագահ Վլադիմիր Զելենսկին հայտարարել է, որ իշխանությունները երկրի պաշտպանության վեց տարբերակ ունեն։ Այս մասին նա ասել է այսօր CNN-ին եւ Reuters-ին տված հարցազրույցում։
Երկրի ղեկավարի խոսքով՝ իշխանությունները պատրաստվում էին «ամեն ինչի» և մշակել են երկրի պաշտպանության տարբերակներ։
«Բայց երբ նախօրոք պատրաստվում ես, պետք չէ թշնամուդ նախապատրաստել, որպեսզի նա պատրաստ լինի քո արձագանքին: Այնպես որ, ինձ դուր չեկավ այս իրավիճակը, որ մենք պետք է ամեն ինչ ռիսկի ենթարկենք և ասենք, որ պատրաստվում ենք, «ահա մենք այստեղ այնպես ենք անելու, այստեղ այսպես...»: Մենք ունենք վեց տարբերակ մեր երկրի պաշտպանության համար»,- ասել է Զելենսկին։
Երկրի ղեկավարը ՆԱՏՕ-ից անվտանգության երաշխիքներ է պահանջել, եթե Դաշինքը չընդունի Ուկրաինային Ռուսաստանի պատճառով։
«Մենք չենք դիմանում, մենք կռվում ենք: Եվ ուկրաինացի ազգը պայքարելու է մինչև վերջ, մինչև իր կյանքի վերջը: Հարցը մեր մասին չէ, հարցն այն է, թե որքան կդիմանա այս (ռուսական - խմբ.) ղեկավարությունը: Մենք պաշտպանվում ենք, որովհետև տանն ենք, մենք պաշտպանում ենք մեր երեխաներին, տանը։ Հանուն մեր երեխաների ապագայի։ Տեսնում եք, որ ոչ ոք այլևս նպատակներ չի ընտրում։ Երեխաներ են մահանում, տասնյակ մարդիկ։ Մենք պաշտպանում ենք մեր ապրելու իրավունքը»,- հավելել է նախագահը։
Զելենսկին նաև կարծում է, որ եթե պատժամիջոցներն ավելի վաղ կիրառվեին, ներխուժում չէր լինի:
«Եվ մենք զգուշացրել ենք և՛ նախագահ Բայդենին, և՛ Եվրամիությանը՝ սահմանեք կանխարգելիչ կերպով, ավելի շուտ պատժամիջոցներ կիրառեք, կտեսնեք, թե ինչպիսին կլինի արձագանքը, ներխուժում չի լինի: Ինձ էլ ոչ ոք չլսեց: Եվ հիմա դուք տեսեք, թե ինչ է կատարվում»,- ասել է ուկրաինացի նախագահը։
Բացի այդ, նա հայտարարել է, որ պատրաստ է ՌԴ նախագահ Վլադիմիր Պուտինի հետ բանակցությունների։ «Աշխարհը տեսնում է, որ անհրաժեշտ է նստել բանակցությունների սեղանի շուրջ»,- ընդգծել է Զելենսկին։
