Նշվել է կորոնավիրուսի գլխավոր առեղծվածը
ՀԱՍԱՐԱԿՈՒԹՅՈՒՆ
Lenta.ru-ն գրում է, որ կորոնավիրուսի բնույթով գիտությանը անհայտ մեխանիզմ գոյություն ունի: Այդ մասին ասել է Գամալեյի համաճարակաբանության և մանրէաբանության գիտահետազոտական կենտրոնի գլխավոր գիտաշխատող Անատոլի Ալտշտեյնը։ Մասնագետի խոսքով, իր համար անհասկանալի է մնում, թե ինչո՞ւ է ինչ որ պահի հիվանդացության կորը հանկարծակի նվազում։ «Ինչու է այն բարձրանում, հասկանալի է. դա համաճարակային գործընթաց է. վիրուսը գտնում է զգայուն հյուրընկալողի և տարածվում։ Բայց ինչո՞ւ է հիվանդացության ալիքի անկում լինում», - նման կերպ է բացատրել այդ հանելուկը նա: Մասնագետը հիշեցրել է, որ դա սովորաբար բացատրվում է COVID-19-ից ապաքինվածների մոտ իմունիտետի զարգացմամբ։ Բայց միևնույն ժամանակ, ալիքներ եղել են նաև համաճարակի սկզբում, երբ առողջացածներ և պատվաստվածներ քիչ է եղել։ Համաճարակաբանը ենթադրում է, որ կա մեխանիզմ, որը համաճարակի որոշակի փուլում նվազեցնում է վիրուսի վարակելիությունը։ «Օրինակ՝ որքան արագ է վերարտադրվում վիրուսը, այնքան նրա գենոմը վնասվում է չեզոք և վնասակար մուտացիաներով, ինչը նվազեցնում է նրա վարակելիությունը։ Հիվանդացությունը նվազում է. հետո նոր տարբերակ է ի հայտ գալիս, և ալիքը վերսկսվում է»,- հավելել է նա: Ալտշտեյնն ընդգծել է, որ փետրվարի սկզբին Ռուսաստանում հիվանդացության աճ կլինի արդեն մեկ ամիս։ Օտար «ալիքների» փորձը ցույց է տալիս, որ ամիսը այն ժամանակահատվածն է, որով առավելագույնին է հասնում օմիկրոնը։ «Ամենայն հավանականությամբ, փետրվարին Ռուսաստանում հիվանդացությունը կնվազի»,- կանխատեսել է նա։
Նյութը հրապարակման պատրաստեց Կամո Խաչիկյանը
