Քաղաքագետ. Ղարաբաղի իշխանություններն ընդամենը Փաշինյանի ռեժիմի ածանցյալներն են
ՀԱՍԱՐԱԿՈՒԹՅՈՒՆ
regnum.ru-ն գրում է, որ Լեռնային Ղարաբաղի Հանրապետության իշխանությունները չափազանց սերտ կապված են Հայաստանում իշխող ռեժիմի հետ։ Այդ մասին REGNUM-ի թղթակցին ասել է քաղաքագետ, kavkazoved.info կայքի գլխավոր խմբագիր Անդրեյ Արեշևը։
«Լեռնային Ղարաբաղի ներկայիս իշխանությունները ածանցյալ են Հայաստանի ներկայիս իշխանություններից։ Հիշում ենք նրանց մտերիմ հարաբերությունները 2018-2019 թվականներին: Հիշում ենք այն լուսանկարները, երբ ԼՂՀ նախագահ Արայիկ Հարությունյանը նկատվում էր Նիկոլ Փաշինյանի «Քաղաքացիական պայմանագիր» կուսակցության նախընտրական շտաբում։ Ինձ թվում է, որ ներկայիս հանրային կերպով ընդդիմանալը ոչ այլ ինչ է, քան խաղ: Ղարաբաղյան հիմնախնդրից Փաշինյանի վարչակարգի հեռացմանը պատասխանելու Ստեփանակերտի փորձերը հիմնականում ուշացած են։ Իսկ թե որքանով դրանք արդյունավետ կլինեն, դժվար է ասել»,- նշել է փորձագետը։
Փորձագետը նաև ասել է, որ ԼՂՀ-ն ամեն կերպ փորձում է դիմակայել Հայաստանի իշխանության Ղարաբաղի համար պատասխանատվությունից ազատվելու բացահայտ մտադրություններին, սակայն դժվար է որոշել, թե որքանով Ղարաբաղի ներկայիս իշխանությունները՝ հաշվի առնելով նրանց կապը Փաշինյանի ռեժիմի հետ, դիմադրելու ռեսուրս ունեն։
Հիշեցնենք, որ դեկտեմբերի 27-ին և՛ խորհրդարանը, և՛ ԼՂՀ նախագահը իրենց անհամաձայնությունն էին հայտնել ադրբեջանցի փախստականների Լեռնային Ղարաբաղ վերադառնալու հնարավորության վերաբերյալ Նիկոլ Փաշինյանի դիրքորոշմանը։
Նյութը հրապարակման պատրաստեց Կամո Խաչիկյանը
