Դուք եք ծիծաղելի վիճակում, ոչ թե Փաշինյանը. ադրբեջանցի գրողը Ալիևի բռնապետության մասին
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ Ադրբեջանցի գրող Կարամատ Բոյուկչոլը ֆեյսբուքյան իր էջում համեմատել է Հայաստանում և Ադրբեջանում տիրող իրավիճակը և կոշտ քննադատության ենթարկել Ալիևի բռնապետական ռեժիմը։ Նա իր հրապարակման մեջ քննադատել է Հայաստանի վարչապետ Նիկոլ Փաշինյանին ծաղրողներին նշելով, որ վերջինս իշխանության է եկել ժողովրդավարական ճանապարհով, և նույնիսկ ռազմական պարտությունից հետո ժողովուրդը, այնուամենայնիվ, քվեարկել է նրա օգտին։ Գրողը նշել է, որ Հայաստանում կա խոսքի ազատություն ի տարբերություն Ադրբեջանի, որտեղ ռեժիմը կառավարում է երկիրը «մթության մեջ»։ «Պետության վարչական ռեսուրսը հավասար հնարավորություններ է ստեղծում ընդդիմության խոսքի և կարծիքի ազատության համար։ Նա իր երկիրը ռուսական կախվածությունից փրկելու քաղաքականություն է վարում։ Իսկ դու՞: Առավոտից երեկո Իլհամ Ալիևին գովաբանելու առիթ ես փնտրում։ Դու ստրուկ ես։ Եթե վաղը իշխանությունները ձերբակալեն ու կձերբակալեն քո լավագույն ընկերոջը, դու այնքան ստրուկ կլինես, որ չես կարող պաշտպանել նրան։ Նախագահն ասել է, որ պատերազմն ավարտվել է, որ ձեր ոգին հասել է Խոջալու (Իվանյան), բայց մենք չենք կարող անգամ Խանքենդի (Ստեփանակերտ) անունը նշել»,- գրել է Բոյուկչոլը։
Գրողը նկատել է, որ Փաշինյանին ծաղրողները իրենք են ծիծաղելի վիճակում, այլ ոչ թե Փաշինյանը։
Հատկանշական է, որ չնայած ադրբեջանցիների հասցեին հնչած կոշտ հայտարարություններին, հրապարակումը արժանացել է հազարավոր հավանումների և հեղինակի հետ համաձայնություն արտահայտող հարյուրավոր մեկնաբանությունների։
Նյութը հրապարակման պատրաստեց Կամո Խաչիկյանը
