Քաղաքագետ. Հայաստանի բանակը համարյա չի մասնակցել Ղարաբաղի պատերազմին
ՀԱՍԱՐԱԿՈՒԹՅՈՒՆ
regnum.ru-ն գրում է, որ Հայկական բանակից ԼՂՀ-ին իրական աջակցության գրեթե իսպառ բացակայությունը ղարաբաղահայությանը դատապարտել է պարտության։ Այդ մասին ИА REGNUM-ի թղթակցին ասել է ՄԳԻՄՕ-ի ավագ գիտաշխատող, Սևծովյան-կասպյան տարածաշրջանի Վ.Բ. Արծրունու անվան քաղաքական և սոցիալական հետազոտությունների ինստիտուտի տնօրեն Վիկտոր Նադեին-Ռաևսկին:
«Իրականում բոլոր մարտական գործողություններն իրականացրել է ԼՂՀ բանակը, որը մոտ 10 անգամ փոքր է ադրբեջանական բանակից։ Ղարաբաղի հայերը ունեին աննշան թվով ստորաբաժանումներ, 100 հազար բնակչություն ունեցող հանրապետությունում մոբիլիզացիոն ռեսուրսը չափազանց ցածր էր։ Իսկ ԼՂՀ-ի գլխին Արայիկ Հարությունյանն էր, ով քաջատեղյակ էր բիզնեսին ու բանկային գործին, բայց ոչ ռազմական կրթություն ուներ, ոչ էլ զինվորական պատրաստվածություն։ Եվ բացի այդ, դեր է խաղացել ոչ միայն ռազմական գիտելիքը, այլ նաև պաշտպանվելու ցանկությունը»,- ասել է փորձագետը։
Քաղաքագետը նշել է, որ հայկական գրեթե ողջ բանակը մնացել է Հայաստանի տարածքում և առաջ չի շարժվել ի նպաստ ԼՂՀ-ի։ Հայ կամավորականների 10 հազարանոց կորպուսին թույլ չեն տվել մուտք գործել Ղարաբաղի տարածք։ Փորձագետի խոսքով Հայաստանում մոբիլիզացիոն ծրագրերը խափանվել են և ԼՂՀ հարավում գտնվող ամրացված տարածքները գործնականում մնացել են առանց զորքի։ Ուստի պատերազմում ղարաբաղցի հայերի պարտությունը միանգամայն բնական էր։
Նյութը հրապարակման պատրաստեց Կամո Խաչիկյանը
