Իրանը պատրաստ է բեռներ արտահանել Ռուսաստան շրջանցելով Ադրբեջանը
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ Ադրբեջանի մաքսակետերում Իրանից Ռուսաստան տարանցիկ ապրանքների մաքսազերծման ժամկետների երկարաձգումը հանգեցրել է իրանական կողմի համար արտահանման նոր ուղիների ստեղծմանը։ Այդ մասին հայտարարել են Իրանի արտահանող արդյունաբերության ներկայացուցիչները։
«Ադրբեջանի մաքսակետերում Ռուսաստանի արտահանվող իրանական ապրանքներով կուտակված բեռնարկղերի քանակն այնպիսին է, որ սպասման ժամկետը տևում է 3-ից 4 օր, մինչդեռ ավելի վաղ տևում էր մինչև մեկուկես օր»,- ասել է Իրանի գյուղատնտեսների միության պետ Սեյեդ Ռեզա Նուրանին։
Նուրանին ընդգծել է, որ սպասման ժամանակի ավելացումը մի կողմից հանգեցրել է արտահանողների վարորդներին վճարելու ծախսերի ավելացմանը, մյուս կողմից մատակարարվող ապրանքների որակի նվազեցման ռիսկն է ավելացրել։
Իրանական արտահանման հիմնական ծավալը Ռուսաստան բաժին է ընկնում ձկնեղենին, մրգերին ու բանջարեղենին։
Նուրանին ընդգծել է, որ ադրբեջանական մաքսակետում առկա խնդիրները քաղաքական բնույթ չեն կրում և պահանջում են միայն աշխատուժի ծախսերի ավելացում և իշխանությունների ուշադրությունը։
Առևտրի խթանման կազմակերպության ղեկավար Ալիռեզա Պեյման Փաքը, ելույթ ունենալով մամուլի ասուլիսում, նշել է, որ հաշվի առնելով Ադրբեջանով ապրանքների տեղափոխման հետ կապված մշտական խնդիրները, հատկապես ցուրտ սեզոնին, և կապված վերջին քաղաքական մարտահրավերների հետ, «մենք ակտիվանում ենք այլընտրանքային երթուղիները, որոնցից մեկը հայկական երթուղին է, այսինքն մեր բեռնատարները կկարողանան իրենց արտահանվող ապրանքները Հայաստանով և Վրաստանով հասցնել Ռուսաստան, Մեկ այլ երթուղին ծովային երթուղի է (Կասպից ծովով)»: Փաքը նշել է, որ Իրանի կառավարությունը նպատակ է դրել առաջիկա չորս տարում Իրանից ապրանքների արտահանումն ավելացնել 45 միլիարդ դոլարով։ Ըստ այդմ, Առևտրի խթանման կազմակերպությունը ոչ միայն աշխատում է ապրանքների շարժի նոր ուղիների վրա, աշխատում է արտահանողների հետ, ավելացնում է առևտրային խորհրդատուների և ներկայացուցիչների թիվը, այլ նաև աշխատում է կողմերի միջև փոխադարձ համաձայնությունների խնդիրների վրա։ Ավելի վաղ Իրանի գյուղատնտեսության նախարար Սեյեդ Ջավադ Սադաթինեժադը լրագրողների հետ զրույցում ասել էր, որ Ռուսաստան գյուղմթերքների արտահանումն ավելացնելու համար կառավարությունն աշխատում է օդային և ծովային երթուղիների վրա որպես ադրբեջանական երթուղու այլընտրանք։ Գործակալությունը մեջբերում է նաև Բաքվում Իրանի Իսլամական Հանրապետության դեսպան Սեյեդ Աբբաս Մուսավիին, ով ասել է, որ նոր միջանցքի ակտիվացումը պետք է սպասել հաջորդ շաբաթ։
Նյութը հրապարակման պատրաստեց Կամո Խաչիկյանը
