ԵՄ-ն ընդլայնել է «կանաչ» երկրների ցանկը, որոնց քաղաքացիների համար կբացվեն միության սահմանները
ՄԻՋԱԶԳԱՅԻՆ
Եվրամիությունը որոշում Է ընդունել Արգենտինան, Կոլումբիան, Նամիբիան և Պերուն ավելացնել այն երկրների ցանկում, որոնց քաղաքացիները կարող են այցելել Եվրամիություն ոչ պարտադիր, այդ թվում տուրիստական ուղևւորություններով: ՏԱՍՍ գործակալության փոխանցմամբ՝ հոկտեմբերի 29-ին այդ մասին հայտնել Է ԵՄ-ի խորհուրդը:
«Խորհուրդը նորացրել է երկրների, հատուկ վարչական շրջանների և այլ սուբյեկտների ու տարածքային մարմինների ցանկը, որոնց համար պետք է վերացվեն ուղևորությունների սահմանափակումները: Մասնավորապես, ցանկում ավելացվել են Արգենտինան, Կոլումբիան, Նամիբիան և Պերուն»,- նշված Է Խորհրդի հաղորդագրության մեջ:
Այսպիսով, բացի նոր երկրներից, այսպես կոչված՝ «կանաչ» ցանկում ներառված են Ավստրալիան, Բահրեյնը, Կանադան, Չիլին, Հորդանանը, Քուվեյթը, Նոր Զելանդիան, Կատարը, Ռուանդան, Սաուդյան Արաբիան, Սինգապուրը, Հարավային Կորեան, Ուկրաինան, Միացյալ Արաբական Էմիրությունները, Ուրուգվայը, ինչպես նաև Չինաստանը, բայց փոխադարձության սկզբունքով:
Մայիսի սկզբին Եվրահանձնաժողվը համավարակի սկզբից ի վեր առաջին անգամ Եվրամիության երկրներին խորհուրդ տվեց մեղմացնել մուտքի սահմանափակումները և մոտք գործել թույլ տալ օտարերկրացի այն զբոսաշրջիկներին, որոնք կորոնավիրուսի դեմ պատվաստված են Եվրոպայի դեղորայքային միջոցների գործակալության կողմից հավաստագրված պատրաստուկներով: Եվրամիության պետությունները նաև իրավունք կստանան իրենց տարածք մուտք գործել թույլ տալ այն անձանց, ովքեր պատվաստված են անհետաձգելի օգտագործման համար Առողջապահության համաշխարհային կազմեկերպության կողմից հանձնարարված պատվաստանյութերով:
