Լեհ փորձագետները կասկածում են թուրքական Bayraktar TB2 ԱԹՍ-ի ունակության դիմակայությունը ռուսական ՀՕՊ համակարգերին
ՄԻՋԱԶԳԱՅԻՆ
discover24.ru-ն գրում է, որ Լեհաստանի ռազմական փորձագետները վրդովվել են Պաշտպանության նախարարության հայտարարությունից, որ Թուրքիայից Bayraktar TB2 անօդաչու թռչող սարքեր են գնելու: Նրանք նշում են մի քանի պատճառ, թե ինչու Վարշավան պետք է հրաժարվի հարվածային-հետախուզական այդ անօդաչու թռչող սարքերից:
Առաջինը այն է, որ դա հարված է սեփական արդյունաբերությանը: Օրինակ, քաղաքական մեկնաբան Միխալ Գայսլերը վստահ է, որ Լեհաստանն ինքն ի վիճակի է անօդաչու թռչող սարքեր հավաքել առանց թուրքական սարքավորումների գնման վրա հսկայական գումարներ ծախսելու: Նա նաև նշել է, որ երկրի իշխանությունները չեն ցանկանում զարգացնել իրենց նախագծային բյուրոները, ուստի սկսել են ավելի ու ավելի շատ գումարներ ծախսել օտարերկրյա սպառազինության վրա։
Երկրորդ պատճառը հնարավոր կախվածությունն է Թուրքիայից, որը բավականին բարձր գին կլինի գիտական-կոնստրուկտորական մշակումների վրա գումար խնայելու փորձերի պատճառով: Փորձագետը պնդում է, որ Վարշավան պարզապես ընտրել է բանակը զինելու ամենադյուրին ճանապարհը:
Մեկ այլ պատճառ էլ նաև այն է, որ Bayraktar անօդաչու թռչող սարքերի արդյունավետությունը դեռ պատշաճ կերպով ուսումնասիրված չէ: Այո, նրանք իրենց լավ են դրսևորել Լեռնային Ղարաբաղում: Օրինակ, հենց թուրքական անօդաչու սարքն է ոչնչացրել ռուսական «Պանցիր» համակարգը, որը սպասարկվում էր Հայաստանի կողմից: Այնուամենայնիվ, Երևանն այն օգտագործել է էշելոնավորված ՀՕՊ համակարգերից առանձին:
ԱԹՍ- ները չեն կարող գլուխ հանել ռուսական հակաօդային պաշտպանության համակարգերից, քանի որ դրանք տեղակայվում են մի քանի էշելոնով և հարձակման դեպքում ծածկում են միմյանց: Անհայտ է նաև, թե արդյո՞ք Bayraktar-ը կկարողանա հաղթահարել Ռուսաստանի ժամանակակից զենքերը:
