Պատվաստանյութերի պատերազմներ. շահույթը ավելի կարևոր է վիրուսին հաղթահարելուց
ՀԱՍԱՐԱԿՈՒԹՅՈՒՆ
kadara.ru-ն գրում է, որ AstraZeneca ընկերությանը հաջողվել է հասնել պատվաստանյութերի վաճառքի իր նպատակին: Փորձագետները կանխատեսել են 278 մլն դոլար շահույթ, իսկ ընկերությունը արդեն հայտնել է 275 մլն-ի մասին: Գումարային առումով վաճառվել է ընդհանուր առմամբ 224 միլիոն դոզա Եվրոպայում և 68 միլիոն զարգացող երկրներում: Միջին գինը կազմել է մոտ չորս դոլար, որը իսկապես ամենաէժանն է աշխարհում: Վիճակագրությունը չի ներառել գործընկերների արտադրածն ու բաշխածը: Եթե դա ևս հաշվի առնենք, ապա վաճառված դոզաների թիվը կհասնի 300 միլիոնի: Ֆինանսական հաշվետվությունների հրապարակման հետ մեկտեղ, ընկերության գործադիր տնօրեն Պասկալ Սորիոն հանդես է եկել մեծ ասուլիսով: Լրատվամիջոցներին անհանգստացրել է երկու հարց. արդյո՞ք AstraZeneca-ն կբաշխվի ԱՄՆ-ում և ԵՄ-ի դատական հայցի կարգավորումը: ԱՄՆ-ի FDA-ի հաստատումը սպասվում է «առաջիկա շաբաթներին»: Միևնույն ժամանակ, Վաշինգտոնը հայտարարում է, որ առանց AstraZeneca-ի էլ բավական պատվաստանյութեր կան:
Ըստ ամենայնի, հարցն ավելի շատ հեղինակության է: FDA-ի հաստատման կնիքն օգտակար է պատվաստանյութի համար, հատկապես թրոմբոզների չդադարող դեպքերի ֆոնին: Նմանատիպ մի բան էլ կարելի է տեսնել այլ պատվաստանյութերի դեպքում: Այդքան էլ կարևոր չէ, թե արդյո՞ք Sputnik V-ն կգնեն Եվրոպայում, շատ ավելի կարևոր է, որ պատվաստանյութը որակյալ և անվտանգ ճանաչվի: Ամեն դեպքում, բրիտանա-շվեդական դեղագործական հսկան իրականում փող է վաստակում դեղորայքի միջոցով: Առաջին եռամսյակի ընդհանուր եկամուտները գերազանցել են վերլուծաբանների կանխատեսումներին՝ 7,32 միլիարդ դոլար կանխատեսած 6,94 միլիարդ դոլարի դիմաց: Աճի խթանիչ դեղերը երկուսն են. թոքի քաղցկեղի բուժման Tagrisso դեղը և սրտային անբավարարության բուժման Farxiga-ն դեղը:
Առաջինի վաճառքն աճել է 17% -ով հասնելով 1,1 միլիարդի, երկրորդի վաճառքը հասել է 625 միլիոն դոլարի: Բաժնետերերն արդեն ուրախ են բաժնետոմսերի 5,2%-ոց աճից, չնայած անցած ամռան ռեկորդից դա դեռ հեռու է: Իսկ Sputnik V-ն դարձել է հետխորհրդային տարածքում ամենաքննարկվող պատվաստանյութը: Երկրորդ տեղում AstraZeneca-ն է:
Brand Analytics-ի փորձագետները պատվաստանյութերի ժողովրդականությունը կապում են տարբեր երկրներում դրանց հաստատման հերթականության հետ: Որն առաջինը դա կստանա, ավելի սիրված կլինի: Հետխորհրդային տարածքում AstraZeneca-ի ճամբարում ընդամենը երկու երկիր կա, մնացածում առաջատարն է Sputnik V պատվաստանյութը: Ինչպես Հայաստանում, այնպես էլ Ուկրաինայում պատվաստումները սկսվել են բրիտանա-շվեդական պատվաստանյութերով: Սակայն ուկրաինացիները բաժին է հասել փոքր-ինչ պակաս արդյունավետ Covishield-ի հնդկական տարբերակը: Sputnik V-ին անսպասելիորեն հաջողվել է առաջատար դառնալ Մոլդովայում: Միևնույն ժամանակ, երկիրն ի սկզբանե ապավինում էր ցանկացած այլ պատվաստանյութերի: Իսկ ահա ռուսական այլ պատվաստանյութերը զիջում են նույնիսկ Pfizer-ին, «KoviVaca»-ի և «EpiVacCorona»-ի մասին քննարկումներ լինում են միայն դրանց գրանցման պահին:
Նյութը հրապարակման պատրաստեց Կամո Խաչիկյանը
