Յուվենտուսն այսօր կարող է հեռացնել Պիրլոյին գլխավոր մարզչի պաշտոնից
ՍՊՈՐՏ
Իտալական La Stampa թերթը հայտնում է, որ «Յուվենտուսի» գլխավոր մարզիչ Անդրեա Պիրլոն կարող է պաշտոնանկ արվել արդեն մայիսի 10-ին:
Հիշեցնենք, որ մայիսի 9-ին «Յուվենտուսը» սեփական հարկի տակ 0: 3 հաշվով պարտվեց «Միլանին»: Պիրլոյին աշխատանքից հեռացնելու դեպքում նրա օգնական Իգոր Տուդորը կլինի գլխավոր մարզչի ժամանակավոր պաշտոնակատարը հաջորդ տուրի «Սասուոլոյի» դեմ խաղում:
Հայտնի է նաև, որ «Յուվեի» նախկին մասնագետ Մասիմիլիանո Ալեգրին, ով ներկայումս անգործ է, ամռանը կարող է գլխավորել ակումբը:
Ալեգրին թուրինյան ակումբը գլխավորել է 2014-ից 2019 թվականներին: Այս ժամանակահատվածում նա հինգ անգամ անընդմեջ ակումբը հասցրել է Ա Սերիայի չեմպիոնության: Ավելի վաղ իտալական մեկ այլ աղբյուր հայտնել էր, որ «Յուվենտուս» ժամանելուն պես մարզիչը նախ կփորձի ազատվել պորտուգալացի հարձակվող Կրիշտիանու Ռոնալդուից:
«Միլանը» այս հաղթանակի շնորհիվ 72 միավորով բարձրացավ Ա Սերիայի մրցաշարային աղյուսակի երրորդ հորիզոնական: «Յուվեն» նահանջել է հինգերորդ հորիզոնական (69) և ռիսկի է դիմում չհասնելու Չեմպիոնների լիգայի հաջորդ լիգա ՝ մեկ միավորով հետ մնալով «Նապոլիից», որը չորրորդն է:
