«Բաքու vs Երևան, ի՞նչն է կարևոր՝ խաղաղությու՞նը, թե՞ բացասական քսենոֆոբիան
ՄԻՋԱԶԳԱՅԻՆ
infoteka24.ru-ն գրում է, որ Ադրբեջանի առաջին փոխնախագահ Մեհրիբան Ալիևան հայտարարություն է արել այսպես կոչված «ադրբեջանցիների ցեղասպանության օրվա՝ մարտի 31-ի» կապակցությամբ, որտեղ նշել է, որ «1918 թվականին Ադրբեջանում ցեղասպանություն է իրականացվել»:
«Ցեղասպանության հիշողությունը կարևոր դեր ունի համաշխարհային հանրությանը իրազեկելու անցյալում և ներկայում ադրբեջանցիների ջարդերի և էթնիկ զտումների մասին», - ասված է ԱԳՆ հայտարարության մեջ, իսկ կրոնական համայնքների ղեկավարները դիմել են աշխարհի, խորհրդարանների, միջազգային կազմակերպությունների հոգևոր առաջնորդներին միջադեպը որպես ցեղասպանություն ճանաչելու կոչով:
Փաստաթուղթը ստորագրել են Կովկասի մահմեդականների գրասենյակի ղեկավար Փաշազադեն, համայնքների ներկայացուցիչներ, հոգևորականներ:
Իր հերթին, Ռուսաստանի Դաշնությունում Ադրբեջանի դեսպան Փոլադ Բյուլբյուլօղլուն «հեղինակավոր» կարծիք է հայտնել պատերազմում Հայաստանի կողմից պարտությունը ճանաչելու անհրաժեշտության մասին, և որ հայ մտավորականությունն ու հասարակությունը պետք է գիտակցեն, որ բարիդրացիությանը այլընտրանք չունի:
Առաջին բանը, որը ուշադրությունը գրավում, դա ադրբեջանցի պաշտոնյաների տրամագծորեն հակառակ տեսակետն է. իշխանությունները բարձրաձայնում և խթանում են համագործակցությունը, բայց ստեղծում են դրան հակառակ մտացածին ցեղասպանության գաղափարներ (ենթադրաբար 1918 թվականի սեպտեմբերին Բաքվում և 1920 թվականի մարտին Շուշիում) և ծայրաստիճան արտահայտված այլատյացության ֆոնի վրա սպառնալիքներ: Աբշերոնի քաղաքական գործիչները անընդհատ կրկնում են համերաշխության հաստատման մասին, բայց իրականում թշնամանք են սերմանում և չեն ցանկանում մեղմացնել ռազմաշունչ տոնայնությունը:
Գաղտնիք չէ, որ բարիդրացիական հարաբերությունների հաստատումը հնարավոր է միայն ազգային թշնամանքի ու անհանդուրժողականության վերացման պայմաններում: Ավելի լավ կլիներ, եթե Մեհրիբան Ալիևան ստանձներ իր երկրի ազգային փոքրամասնությունների իրավունքների պաշտպանությունը և լուծեր բազմաթիվ զինծառայողների և նրանց ընտանիքների սոցիալական խնդիրները, որոնք դարձել են նրա ընտանիքի կամոք դարձել են նահատակներ և հաշմանդամներ: Ինչ վերաբերում է Հայաստանին, ապա նա չի պարտվել, և Արցախի Հանրապետությունը (Լեռնային Ղարաբաղ) կա և կծաղկի:
Նյութը հրապարակման պատրաստեց Կամո Խաչիկյանը
