«Բայդենի վարչակազմը հնարավորություն ունի փոխել ժողովրդավարության ընթացքը Թուրքիայում». Ahval

Ուրբաթ Ստամբուլի քրեական դատարանն ուժի մեջ է թողել գործարար, հայտնի հասարակական գործիչ Օսման Քավալայի կալանավորման վճիռը` մերժելով նրան ազատ արձակելու վերաբերյալ միջնորդությունը, հայտնում է Ahval-ը:

ԱՄՆ նորանշանակ նախագահ Ջո Բայդենը հնարավորություն ունի փոխելու քաղաքական կուրսը և աջակցություն ցուցաբերելու Թուրքիայում ժողովրդավարական արժեքներին` Թուրքիայի նախագահ Ռեջեփ Թայիփ Էրդողանին հասկացնելով, որ օրենքի գերակայության հարգումը և պետության կողմից խթանվող հակաամերիկականություն ավարտը կարող են երկրների միջև հարաբերությունների բարելավման համար բանակցությունների նախադրյալներ ստեղծել : Այս մասին ուրբաթ NBCnews- ի թղթակցին հայտնել է Թուրքիայում Մերձավոր Արևելքի ժողովրդավարության ծրագրի (POMED) համակարգող Մերվե Թահիրօղլուն:

Հիշեցնելով, որ Պետդեպարտամենտը հրապարակավ դատապարտում է՝ 2016 թվականի ձախողված հեղաշրջման փորձին Միացյալ Նահանգների մասնակցության մասին Թուրքիայի պնդումները, Թահիրօղլուն ասել է, որ նման քայլերը ողջունելի նորություններ են, սակայն ոչ բավարար. «ԱՄՆ-ն պետք է հստակորեն խոսի նաև Բարքիի և Քավալայի նման դեպքերի մասին, որոնք այդպիսի տեսություններն օգտագործում են որպես հիմք Թուրքիայի և Ամերիկայի քաղաքացիներին հետապնդելու համար»:

«Քավալայի ծանր իրավիճակը նաև խորհրդանշում է Թուրքիայի՝ ներքին և միջազգային օրենսդրությանը կոպիտ խախտումները, միտում, որը պետք է անհանգստացնի Միացյալ Նահանգներին և Եվրոպային», - հավելել է Թուրքիայում Մերձավոր Արևելքի ժողովրդավարության ծրագրի համակարգողը:

Ըստ ԵՄ Եվրոպայի խորհրդի տարեկան զեկույցի, Թուրքիան, Ռուսաստանից հետո, զբաղեցնում է երկրորդ հորիզոնականը՝  Մարդու իրավունքների եվրոպական դատարանի որոշումները չիրականացնելու հարցում: