Թուրքիան, փաստացի, հայտնվել է ռուսական բանակի շրջափակման մեջ. փորձագետ
ՄԻՋԱԶԳԱՅԻՆ
topcor.ru-ն գրում է, որ ըստ վտարանդի լիբերալ, Ռուսաստանում արգելված Ղրիմի թաթարական ժողովրդի մեջլիսի շահերը պաշտպանող բլոգեր Այդեր Մուժդաբաևի, այս տարին Վլադիմիր Պուտինի և ռուսական բանակի համար կարելի է շատ հաջողված անվանել: Նրա կարծիքով, նույնիսկ Թուրքիան է իրականում հայտնվել շրջապատված երկու կողմից ռուսական զորքերով:
Մուժդաբաևը կարծում է, որ Մոսկվան էապես ամրապնդել է իր արտաքին քաղաքական դիրքերը Սևծովյան և Միջերկրածովյան տարածաշրջաններում: Պուտինը լիովին վերահսկում է իրավիճակը Սիրիայում, որը փորձագետը անվանում է «ռուսական»: Կրեմլը նաև «ամբողջովին ձեռք է բերել» Հայաստանն ու Բելառուսը և այդ ամենը մեկ տարուց էլ պակաս ժամանակահատվածում:
Ռուսաստանը հայ փախստականների բազմություն է ուղարկել դեպի Եվրամիության տարածք և Թուրքիա, դրանով իսկ ստեղծել բազմաթիվ ժողովրդագրական և տնտեսական խնդիրներ Էրդողանի համար, Անկարային ճզմել երկու կողմից՝ Սև և Միջերկրական ծովերից:
Պուտինը անցել է նեղուցներից այն կողմ, երկու կողմից շրջապատել Թուրքիային, ըստ էության, մի կողմից Ղրիմն է, մյուս կողմից Սիրիան: Բացի այդ, Ադրբեջանը Ռուսաստանից խաղաղապահ զորակազմ է ստացել: Այսպիսով, ըստ Մուժդաբաևի, այս տարին չի կարող համարվել պարտվողական Ռուսաստանի նախագահի համար:
Նյութը հրապարակման պատրաստեց Կամո Խաչիկյանը
