Ռուսստատը պատմել է, թե որ երկրների միգրանտներն են ավելի հաճախ նախընտրում Կրասնոդարի մարզը
ՄԻՋԱԶԳԱՅԻՆ
obzor.io-ն գրում է, որ այս տարվա սկզբից ի վեր, չնայած կորոնավիրուսային համաճարակի պատճառով մտցված սահմանափակող միջոցառումներին, Կրասնոդարի երկրամաս է ժամանել 23 հազար միգրանտ, որոնցից ավելի քան 17 հազարը աշխատանքային տարիքի մարդիկ են, հիմնականում տղամարդիկ: Օտարերկրացիների մեծ մասը Կուբան է եկել Ուկրաինայից, Հայաստանից և Ղազախստանից:
Ինչպես հայտնել են Ռոսստատի մարզային վարչությունում, Կրասնոդարի երկրամաս մշտական բնակության նպատակով տեղափոխված միգրանտների 93%-ը ԱՊՀ երկրների քաղաքացիներ են: Ժամանողներից մոտ 8500-ը ունեն կապույտ ուկրաինական անձնագիր, 5000-ը Հայաստանի քաղաքացի են, 2600-ը ՝ Ղազախստանից են, Աբխազիայից (393 մարդ), Վրաստանից (358) և Աֆղանստանից (173):
2019 թվականի վերջին Կրասնոդարի երկրամաս էր տեղափոխվել 29 հազար օտարերկրացի: Առաջատարներն են եղել նույն Ուկրաինան (11 հազար), Հայաստանը (7,5 հազար), Ղազախստանը (գրեթե 3 հազար): Կուբան տեղափոխված օտարերկրացիների թվում նաև եղել են ԱՄՆ-ի 40 քաղաքացի, 172 գերմանացի և 36 սիրիացի:
Նյութը հրապարակման պատրաստեց Կամո Խաչիկյանը
