Մերկելն իրեն ծառայեցրել է Էրդողանին. Բյոհմերման

Գերմանացի երգիծաբան Յան Բյոհմերմանը, որի նկատմամբ Գերմանիայում դատական գործ է հարուցվել Թուրքիայի նախագահ Թայիփ Էրդողանի մասին հրապարակորեն ծաղրական բանաստեղծություն կարդալու համար, հայտարարել է, որ իր նկատմամբ հետաքննությունը թույլատրած Գերմանիայի կանցլեր «Անգելա Մերկելն իրեն դրանով ծառայացրել է Էրդողանին»:
Գերմանական Die Zeit թերթին տված հարցազրույցում երգիծաբանն ասել է, որ իր կարդացած բանաստեղծություն մեջ Էրդողանի հասցեին արված արտահայտությունները միանգամայն գտնվում են Գերմանիայում գործող օրենսդրությամբ խոսքի ազատության շրջանակում: Նա խստորեն քննադատել է Մերկելին այն բանի համար, որ Գերմանիայի վարչապետը խախտել է այդ օրենքը, փաստորեն, իր խոսքով` «ծառայություն մատուցելով Էրդողանին»:
Հեռուստահաղորդավար եւ երգիծաբան Յան Բյոհմերմանը գերմանական ZDF հեռուստաալիքի Neo Magazin Royale երգիծական հաղորդման ժամանակ Թայիփ Էրդողանին ուղղված բանաստեղծություն էր ընթերցել, որում թուրքական նախագահը մեղադրվում է ոչ ավանդական սեռական ուղղվածություն ունենալու, ինչպես նաեւ ազգային փոքրամասնությունների եւ ընդդիմության դեմ հանցագործությունների մեջ:
Երգիծաբանի դեմ իրավական գործընթաց սկսելու պահանջով հանդես էր եկել Թուրքիայի կառավարությունը: Նրա նկատմամբ Գերմանիայի ՔՕԳ 103-րդ` «Արտասահմանյան պետությունների մարմինների եւ ներկայացուցիչների վիրավորել» հոդվածով քրեական գործ է հարուցվել, որով նախատեսվում է դրամական տուգանք կամ մինչեւ երեք տարի ազատազրկում: