Պարզվում է՝ ռուսների մեծամասնությունը պատրաստ է հրաժարվել բենզինից
ՄԻՋԱԶԳԱՅԻՆ
Ռուս վարորդների մեծամասնությունը (57%) պատրաստ է հրաժարվել բենզինից՝ հօգուտ գազի: «Прайм»-ը հաղորդել է, որ «Автонет» ազգային տեխնոլոգիական նախաձեռնությունը համապատասխան հետազոտություն է անցկացրել:
Վարորդները դա կապում են գազի սարքավորումների, սպասարկման մատչելիության և քաղաքներում անհրաժեշտ ենթակառուցվածքների առկայության հետ: Պարզվել է, որ հարցվածների 41%-ը էլեկտրական տրանսպորտային միջոցների կողմնակից է, և դա կապված է օգտագործված էլեկտրական մեքենաների, ենթակառուցվածքների զարգացման, բենզինի բարձր արժեքի և թրենդի ժողովրդականության հետ: Հարցվածների միայն 2%-ն է պատրաստ ներքին այրման շարժիչից անցում կատարել ջրածնով աշխատող տրանսպորտային միջոցի:
Հուլիսին Ռուսաստանի վառելիքային միությունը Դաշնային հակամենաշնորհային ծառայությանը բողոքել է բենզինի մեծածախ գների բարձրացումից: Հումքի թանկացման պատճառների շարքում անվանել են այն, որ բենզինի և դիզելային վառելիքի պահանջարկն ավելի արագ է աճում, քան նրանց արտադրությունը:
Միությունը ԴՀԾ-ին խնդրել է վաճառահանման բոլոր ալիքներով աջակցել վառելիքի արտադրության և մատակարարման աճին, բորսայում ուժեղացնել բենզինի և դիզելային վառելիքի վաճառքի ստանդարտների վերահսկողությունը համաչափության և կանոնավորության ռեժիմներում՝ դրանց հետագա ավելացման հնարավորությամբ, նպաստել արտերկրից էժան հումքի ներմուծման շուտափույթ չեղարկմանը կամ մանրածախ վաճառքում սահմանափակել վառելիքի գնաճը:
Նյութը հրապարակման պատրաստեց Լիլիթ Ամիրաղյանը
