Կապառոսի նորամուտը. ովքե՞ր կարող են խաղալ Հայաստանի ազգային հավաքականում
ՍՊՈՐՏ
Ինչպիսի՞ կազմով կարող է խաղալ նոր մարզիչը, ովքե՞ր կհրավիրվեն մեր հավաքական։ Այս և այլ հարցերի պատասխաններն է փորձել կանխատեսել Sputnik Արմենիայի մարզական մեկնաբան Խաչիկ Չախոյանը։
Սեպտեմբերի 5-ին Հայաստանի ազգային հավաքականն իր առաջին պաշտոնական խաղն է անցկացնելու Խոակին Կապառոսի գլխավորությամբ: Ազգերի լիգայի մրցաշարում մեր ընտրանին սեփական հարկի տակ հանդես կգա նաև դրանից երեք օր անց՝ սեպտեմբերի 8-ին:
Հայաստանի ազգային հավաքականի գլխավոր մարզիչ Խոակին Կապառոսը բնականաբար հիմնականում հենվելու է մեր հավաքականի կորիզը հանդիսացող մի շարք ֆուտբոլիստների վրա, բայց արդեն գիտենք, որ ընտրանու կազմում կարող են լինել ֆուտբոլիստներ, որոնք իրենց նորամուտը կնշեն հավաքականի կազմում:
Իսպանացի Խոակին Կապառոսը բավականին ժամանակ ուներ Հայաստանի հավաքականի հավանական թեկնածուների խաղին հետևելու համար: Բայց թե ինչ ընտրություն է կատարել մարզիչը, դեռևս հայտնի չէ: Դարպասապահի դիրքում մեծ ընտրության հնարավորություն կարծես թե չկա:
Կանցկացնի՞ արդյոք իր առաջին խաղը հավաքականի կազմում Դավիթ Յուրչենկոն, որն ընտրանու կազմում հանդես գալու համաձայնությունը վաղուց է տվել: Յուրչենկոն, որը խաղում է Կարագանդայի «Շախտյորի» կազմում, Ղազախստանի առաջնության հինգ խաղերից մասնակցել է երեքին:
