Բուլղարիայում գրանցվել է 2 ամսում կորոնավիրուսով վարակման դեպքերի նվազագույն թիվ

Բուլղարիայի բժիշկները 2 ամսում գրանցել են վերջին մեկ օրում երկրում կորոնավիրուսով վարակման նվազագույն թվով դեպքեր՝ 32, 58-ով ավելի քիչ, քան մեկ օր առաջ, սակայն դրա հետ մեկտեղ անցկացրել են ոչ պակաս 800 թեստ, հայտնում է ՏԱՍՍ-ը՝ վկայակոչելով երկրի ԱՆ միացյալ տեղեկատվական պորտալը։

Վարակակիրների ընդհանուր թիվը հասել է 14 365-ի, որոնցից 797-ը բուժաշխատողներ են։ Ապաքինվել է 9 186 մարդ։ Հիվանդանոցներում բուժում է ստանում 807 պացիենտ, նրանցից 56-ի վիճակը ծանր է։ Մեկ օրում մահացել է 3 մարդ, մահվան դեպքերի ընդհանուր թիվը հասել է 498-ի։

Առողջապահության նախարարությունը նշում է երկրի հիվանդանոցներում բուժանձնակազմի պակասի մասին։

Բուլղարիայում կորոնավիրուսով վարակման առաջին դեպքերը հայտնաբերվել են մարտի 8-ին։ Մարտի 13-ից մայիսի 14-ը երկրում գործել է արտակարգ դրություն։

Բուլղարիայում ներկայումս պահպանվում է արտակարգ համաճարակաբանական իրավիճակի ռեժիմը, որը երկարացվել է մինչեւ օգոստոսի վերջը։ Երկրի բնակիչները պարտավոր են հեռավորություն պահպանել եւ պաշտպանական դիմակներ կրել փակ հանրային շենքերում ու տրանսպորտում։