Մխիթարյանի վերադարձը Ստամբուլում, հարցազրույց «Սպարտակի» նախկին բժիշկ Վարդապետովի հետ
ՍՊՈՐՏ#Corner-ը ներկայացնում է բացառիկ հարցազրույց Մոսկվայի «Սպարտակի» բժշկական դեպարտամենտի նախկին ղեկավար Միխայիլ Վարդապետովի հետ։ 11 տարի ռուսական ակումբում աշխատելուց հետո նա այժմ զբաղեցնում է Երեւանի «Ուրարտուի» բժշկական գծով փոխտնօրենի պաշտոնը։
Ռուսաստանցի Ալեքսանդր Գրիգորյանի հաղթական նորամուտը «Ուրարտուի» գլխավոր մարզիչի պաշտոնում։ Հայաստանի գավաթի խաղարկության կիսաեզրափակիչ դուրս եկան նաեւ «Արարատ-Արմենիան», «Գանձասար-Կապանը» եւ «Նոան»։
Երկու ամիս անց խաղադաշտ վերադարձավ Հենրիխ Մխիթարյանը՝ «Ռոմայի» կազմում մասնակցելով թուրքական «Իստանբուլ Բաշաքշեհիրի» հետ արտագնա խաղին Եվրոպայի լիգայի խմբային մրցաշարի 5-րդ տուրում։ Ռոման Բերեզովսկին նշեց մարզչական նորամուտը ռուսական «Սոչիում», Սարգիս Ադամյանը վերսկսեց մարզումները գերմանական «Հոֆենհայմի» ընդհանուր խմբում, Վարազդատ Հարոյանը հաջող խաղաց «Սպարտակի», Էդգար Բաբայանը՝ «Կոպենհագենի» դեմ։
Դեկտեմբերի 23-ին տեղի կունենան ՀՖՖ նախագահի եւ գործկոմի անդամների ընտրությունները՝ կրքերը թեժանում են։
