Երևանում BMW-ի վարորդը շներին չհարվածելու համար վթարի է ենթարկվել. ՖՈՏՈՌԵՊՈՐՏԱԺ

shamshyan.com -ը գրում է.

Այսօր՝ սեպտեմբերի 16-ին, ավտովթար է տեղի ունեցել Երևանում։ Ժամը 11։00-ի սահմաններում BMW մակնիշի 35 AF 014 համարանիշի ավտոմեքենայի վարորդը Սարալանջի նորակառույց ճանապարհին դուրս է եկել ճանապարհի երթևեկելի գոտուց, բախվել բետոնե թմբին և գլխիվայր շրջվել;

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, վթարի հետևանքով, բարեբախտաբար, զոհեր և վիրավորներ չկան։

Դեպքի վայրում հավաքվածներն ասում էին, որ վթարի պատճառը եղել է այն, երբ վարորդի առջև հայտնվել են մի քանի շներ և նրանց չհարվածելու համար վարորդը խույս է տվել, սակայն չկարողանալով կառավարել ավտոմեքենան, վթարի է ենթարկվել։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները` Գագիկ Շամշյանի