Տիեզերքն ապագայում կարող է ռազմական հակամարտությունների հարթակ դառնալ. Ֆրանսիայի նախարար
ՄԻՋԱԶԳԱՅԻՆՖրանսիան մտադիր է առաջիկա 5 տարվա ընթացքում լրացուցիչ 700 մլն ներդնել Փարիզի կողմից ստեղծվող ռազմատիեզերական ուժերում՝ երկրի դիտարկման միջոցները հզորացնելու եւ պաշտպանական հնարավորությունները բարելավելու համար: Ֆրանսիայի հարավ-արեւելքում տեղակայված ՌՕՈՒ բազա այցելելով՝ այս մասին ասել է նախարար Ֆլորանս Պառլին, հաղորդում է Euronews-ը:
Նա ասել է, որ տիեզերքն ապագայում կարող է հարթակ դառնալ ռազմական հակամարտությունների համար եւ դրան պետք է պատրաստ լինել:
«Մենք այդպես ենք գործում ենք ոչ մտավախություններից, այլ քանի որ գիտենք՝ տիեզերքը աստիճանաբար դառնում է հնարավոր հակամարտությունների գոտի: Այս եզրակացությունը մեզ թույլ է տալիս նոր մոտեցում ունենալ ռազմական զարգացման ռազմավարության մեջ:
Սպառնալիքի աղբյուրը բացահայտվել է, մեր խնդիրն է լայնամասշտաբ պատասխան մշակել այդ ուղղությամբ սպասվող մարտահրավերներին», - ասել է նախարարը:
Հիշեցնենք, որ կես տարի առաջ ԱՄՆ նախագահ Դոնալդ Թրամփը հրաման էր ստորագրել տիեզերական զորքերի՝ ԱՄՆ պաշտպանական համակարգում ինքնուրույն կազմավորման ստեղծման մասին:
