Ֆրանսիացիների կեսից ավելին դժգոհ Է Մակրոնի գործողություններից

Ֆրանսիացիների ավելի քան 54 տոկոսը դժգոհ Է հանրապետության նախագահ Էմանուել Մակրոնի գործողություններից եւ գտնում Է, որ նրա քաղաքականությունը «բացասական ազդեցություն Է գործում իր անձնական վիճակի վրա»:

Այդ մասին, ինչպես տեղեկացնում Է «Արմենպրես»-ը, վկայում են հարցման տվյալները, որն Elabe ինստիտուտն անցկացրել Է BFMTV հեռուստաալիքի համար: Հարցման արդյունքների համաձայն, ֆրանսիացիների 54 տոկոսը հայտնել Է, որ «դառնացած Է» Մակրոնի գործողություններից: Այդ ցուցանիշը ամենավատերից մեկն Է 2017 թվականի հուլիսից ի վեր: Ընդ որում՝ հարցվածների մոտավորապես մեկ երրորդը ձեռնպահ Է մնացել պատասխանից, հայտարարելով, որ «դեռեւս շատ վաղ Է ինչ-որ բան ասել», իսկ 14 տոկոսը երկրի նախագահի գործողությունները համարում Է «գոհացուցիչ»:

Բացի այդ, հարցման մասնակիցների 58 տոկոսը նշել Է, որ նախագահի քաղաքականությունը «բացասաբար Է ազդում իրենց անձնական վիճակի վրա», իսկ 57 տոկոսը խոսել Է երկրի վրա բացասական ազդեցության մասին: Ընդ որում՝ 36 տոկոսը կարծում Է, որ իրադրությունը մնում Է «կայուն», 6 տոկոսի կարծիքով՝ դրությունը «բարելավվում Է»: Հարցումը Համացանցում անցկացվել Է օգոստոսի 21-22-ին, դրան մասնակցել Է 18-ից բարձր տարիքի 1003 մարդ, հաղորդել Է ՌԻԱ Նովոստին: