BRICS-ի ղեկավարները միավորման գագաթնաժողովը բացեցին դռնփակ ձեւաչափի նիստով
ՄԻՋԱԶԳԱՅԻՆՌուսաստանի նախագահ Վլադիմիր Պուտինը ժամանել Է Յոհաննեսբուրգի Sandton կոնֆերենց-կենտրոն, որտեղ տեղի են ունենում BRICS-ի (Բրազիլիա, ՌԴ, Հնդկաստան, Չինաստան, Հարավաֆրիկյան Հանրապետություն) հոբելյանական տասներորդ գագաթնաժողովի միջոցառումները: Հանդիպումն սկսվել Է միավորման ղեկավարների համատեղ լուսանկարման արարողությամբ, տեղեկացնում Է «Արմենպրես»-ը:
Արարողությունից հետո սկսվել Է BRICS-ի ղեկավարների նիստը նեղ կազմով՝ մամուլի համար փակ ձեւաչափով: Այդ զրույցի ժամանակ ենթադրվում Է կարծիքների փոխանակում միջազգային գործերում ՄԱԿ-ի կենտրոնական դերի պահպանման եւ Առեւտրի համաշխարհային կազմակերպության նորմաների եւ սկզբունքների հիման վրա բազմակողմ բաց առեւտրական համակարգի, գլոբալ տեղեկատվական անվտանգության ապահովման, ահաբեկչության եւ ծայրահեղականության հակազման հարցերի շուրջը:
Այնուհետեւ միջոցառումը կշարունակվի ընդլայնված ձեւաչափով: Բացի դրանից, ինչպես ավելի վաղ հայտնել Է ՌԴ-ի նախագահի օգնական Յուրի Ուշակովը, սպասվում Է, որ պետությունների ղեկավարները կքննարկեն BRICS-ի գործունեության հետագա կատարելագործման, այնպիսի գերակա ուղղություններով համագործակացության զարգացման քայլերը, ինչպիսիք են քաղաքականությունը եւ անվտանգությունը, առեւտուրը, տնտեսությունը եւ ֆինանսները, մշակութային-հումանիտար կապերը: Գագաթնաժողովի գլխավոր փաստաթուղթը կդառնա Յոհաննեսգբուրգի հռչակագիրը, հաղորդել Է ՏԱՍՍ-ը:
