Երևանի 2018թ.-ի բյուջեն ոչ թե հետընթացի, այլ առաջընթացի բյուջե է. փոխքաղաքապետ
ՀԱՍԱՐԱԿՈՒԹՅՈՒՆ1in.am-ը գրում է.
Ներկայացված բյուջեն առաջընթացի բյուջե է, դա հիմնավորվում է առաջին հերթին նրանով, որ Երևան համայնքը իր սեփական եկամուտները նախորդ տարվա համեմատ ավելացնում է 7 տոկոսով, և դա բավականին շոշափելի ցուցանիշ է, նույն չափով ավելացվում են ծախսերը։ Այս մասին «Առաջին լրատվական»-ի հետ զրույցում ասաց Երևանի քաղաքապետի տեղակալ Վահե Նիկոյանը՝ անդրադառնալով մամուլի հրապարակումներին, թե 2018թ.-ի բյուջեով սպասվում է հետընթացի տարի, քանի որ մայրաքաղաքի բյուջեն եկող տարի ավելի քան 4 միլիարդ դրամով քիչ եկամուտներ և ծախսեր կունենա, փոխարենը եկամուտների մի մասը պատրաստվում է հավաքագրել երևանցիներին տուգանելու եղանակով. այդ ճանապարհով Երևանի բյուջեի համար նախատեսվում է ապահովել ավելի քան 460 մլն դրամի եկամուտ։
Վահե Նիկոյանի խոսքով՝ հնչեցված գնահատականները իրականությանը չեն համապատասխանում, այդպիսի գնահատականներ տրվում են ոչ մասնագիտական ուսումնասիրության արդյունքում։
«Ինչ վերաբերում է ընդհանուր եկամուտների ցուցանիշի տարբերությանը՝ 4 մլրդ, ապա բյուջետային ուղերձում դա մանրամասն հիմնավորվում է պետական բյուջեի նախագծով Երևանի քաղաքապետին պետության կողմից պատվիրակված լիազորությունների համար որոշ վարկային ծրագրերի գծով նախատեսված գումարների տարբերությամբ։ Ի դեպ, պիտի նշեմ, որ այդ ցուցանիշները բազմաթիվ անգամ փոփոխության են ենթարկվում փաստացի կատարողականներից ելնելով»,- ընդգծեց նա։
Մանրամասները՝ տեսանյութում:
