«Ես նախապատվությունս կտամ հայալեզու երգերին». Արամեն` «Հայաստանի ձայնի» մասին

Life.Tert.am-ը գրում է.

Շուտով կմեկնարկի «Հայաստանի ձայնը» նախագծի չորրորդ եթերաշրջանը, որն արդեն հայտնվել է քննարկումների թիրախում։ Նախագծի ժյուրիի անդամների կազմում ընդգրկված է նաև երգիչ Արամեն։ Վերջինս Tert.am Life–ի հետ զրույցում ասաց, որ իրեն  շատ հետաքրքիր ճանապարհ է սպասվում։ Միաժամանակ, սա փորձություն է երգչի համար։

«Համաձայնել եմ մասնակցել այս նախագծին, որպեսզի ինձ փորձեմ նոր  կարգավիճակում։ Շատ լավ ու դրական եմ տրամադրված, սակայն ընթացքը ցույց կտա` ինչն ինչպես կլինի։ Ես պետք է լինեմ սառնասիրտ ու օբյեկտիվ, ասեմ այն, ինչ մտածում եմ։ Կարծում եմ` ոչ միշտ բոլորը կհամաձայնեն ինձ հետ, որովհետև դա լինելու է իմ կարծիքը»,– ասաց երգիչը։

Խոսելով ժյուրիի անդամների հետ հարաբերությունների մասին` Արամեն նշեց, որ մրցակցություն, բնականաբար, լինելու է. «Ամեն մեկս մեր չափով փորձելու ենք հաղթել, սակայն իմ կարծիքով` այստեղ հաղթում է ոչ թե մարզիչը, այլ կատարողը, որովհետև հետագա ճանապարհը լինելու է  կատարողինը։ Մենք պարզապես պետք է օգնենք, աջակցենք և ոչ մի դեպքում չխանգարենք, որպեսզի նրանք ցույց տան իրենց պոտենցիալը»։

Շարունակությունն՝ այստեղ.