Վրաստանում տեղի ունեցած վթարից ՀՀ 9-ը քաղաքացի է տուժել, 2-ը՝ վերակենդանացման բաժանմունքում են. ՀՀ դեսպանատուն
ՀԱՍԱՐԱԿՈՒԹՅՈՒՆ
Tert.am/Օգոստոսի 22-ին՝ ժամը 07:03-ին Վրաստանի Քութաիսի-Սամտրեդիա ավտոճանապարհի 21-րդ կմ-ին տեղի ունեցած վթարի հետևանքով ՀՀ 9-ը քաղաքացի մարմնական տարբեր վնասվածքներով և կոտրվածքներով տեղափոխվել է Քութաիսիի բժշկական կենտրոններ:
Այս մասին Tert.am-ի հետ զրույցում ասաց Վրաստանում ՀՀ դեսպան Յուրի Վարդանյանի օգնական Անի Հայրապետյանը:
«Սոնյա Մաթևոսյանը, Սոֆիա Մաթևոսյանը, Իրինա Ավագյանը, Սուրեն Աբրահամյանը, Ահմինա Աբրահամյանը գտնվում են Քութաիսիի միջամտական կլինիկայում: Մարինե Աբրահամյանը, Նատալի Աբրահամյանը, Անգին Հակոբյանը, Գրիգոր Այդինյանը գտնվում են Քութաիսիի ռեզերվ կլինիկայում»,-ասաց Հայրապետյանը:
Նրա խոսքով՝ «Mercedes» մակնիշի 34 UM 996 պետհամարանիշի միկրոավտոբուսի վարորդ Գրիգոր Այդինյանն ու Սուրեն Աբրահամյանը գտնվում են վերակենդանացման բաժանմունքում, սակայն նրանց վիճակը կայուն է:
«9-ը տուժածներից ոչ ոքի կյանքին վտանգ չի սպառնում»,-հայտնեցին Վրաստանում Հայաստանի դեսպանատնից:
Հիշեցնենք, որ ՀՀ արտակարգ իրավիճակների նախարարություն օգոստոսի 22-ին, ժամը 08:19-ին Վրաստանի ՆԳՆ ԱԻ դեպարտամենտից տեղեկություն է ստացվել, «Mercedes» մակնիշի 34 UM 996 պետհամարանիշի միկրոավտոբուսը բախվել է տրակտորին, ինչի հետևանքով տուժել էին ՀՀ քաղաքացիներ:
