ԱՄՆ-ում արջը մեքենա է «առևանգել» ու ջարդուփշուր արել այն (լուսանկար)
ՖՈՏՈ
Ամերիկյան Դուրանգո քաղաքում (Կոլորադո նահանգ) արջն «առևանգել» ու ջարդուփշուր է արել Subaru մակնիշի արտաճանապարհային մեքենան, հայտնում է Associated Press-ը:
Աղբյուրը մանրամասնում է, որ գիշերը կենդանին մտել է մեքենայի մեջ և, ենթադրաբար, կարողացել է այն գործի դնելով՝ դուրս գալ տան կողքի հարթակից: Այնուհանդերձ՝ «առևանգողը» հեռու չի գնացել, քանի որ բախվել է հարակից փոստարկղերից մեկին:
Հարևանները ոստիկանություն են կանչել, ինչից հետո պարզվել է, որ խուճապի մատնված կենդանին պոկել է ղեկը, ռադիոն ու կոտրել հետևի ապակին:
«Մարդուց մի քանի ժամ կպահանջվեր անելու այն, ինչ այս արջն արել է հաշված րոպեների ընթացքում»,-ասել է ոստիկանության ներկայացուցիչը:
