Կատարյալ արևայրուք ունենալու մի քանի խորհուրդ կոսմետոլոգից
ՖՈՏՈ
Որքանո՞վ է այն վնասակար.
Արդյո՞ք արեւն օգտակար է հարցին, ցանկացած լավ բժիշկ կպատասխանի, որ արեւը, ինչպես այս կյանքում յուրաքանչյուր բան, օգտակար է չափի մեջ։ Արեւը D վիտամինի աղբյուր է, ինչը անհրաժեշտ է մեր օրգանիզմին։
Ինչպե՞ս ճիշտ արեւայրուք ընդունել. նախեւառաջ կողմնորոշվեք, թե որ տիպին է դասվում ձեր մաշկը.
Իհարկե, այս սահմանազատումը պայմանական է, սակայն սովորաբար աշխատում է.
1-ին խումբ-ակնհայտ բաց գույնի մաշկ ունեցող մարդկանց, ովքեր հակված են պեպենների, ունեն բաց գույնի աչքեր, խարտյաշ վարսեր, ընդունված է դասել առաջին խմբին։ Նրանց մաշկն արեւից կարմրում է, քանի որ ունակ չէ պաշտպանել։ Եթե դասվում եք այս խմբին, օգտագործեք SPF 50+ արեւապաշտպան քսուկ, արեւի տակ մնացեք բացառապես առավոտյան եւ երեկոյան ժամերին։
2-րդ խումբ-եւս սպիտակ մաշկ ունեցողների խումբ, որոնք այդքան էլ քմահաճ չեն։ Հաճախ նրանք եւս ունեն բաց գույնի աչքեր, արեւից միանգամից կարմրում են քիթն ու ուսերը։ Նրանց խորհուրդ կտանք օգտագործել բարձր արեւապաշտպան քսուկներ, արեւայրուքն ընդունել առավոտյան կամ երեկոյան, իսկ ցերեկային ժամերին արեւի ոչ ուղիղ ճառագայթների ներքո։
3 —րդ խումբ. զեյթունի գույնի մաշկով եւ հաճախ բաց գույնի մազերով։ Նրանց մաշկը կարող է այրվածքներ ստանալ, սակայն ճիշտ վերաբերմունքի դեպքում դառնում է գեղեցիկ ոսկեգույն երանգի։ Էքստրեմալ բրոնզե երանգի նրանք դժվար թե հասնեն, բայց ցերեկային ժամերին SPF 50 եւ առավոտյան SPF 30 քսուկ օգտագործելով կարող են ունենալ գեղեցիկ արեւայրուք։
4-րդ խումբ. շագանակագույն աչքերով սեւահերներ, ովքեր ունեն մուգ մաշկ։ Նրանք հազվադեպ են արեւից այրվում, ստանում են հարթ, գեղեցիկ արեւայրուք։ Հաճախ անգամ կարող են աչքաթող անել արեւապաշտպան միջոցները, բայց իզուր՝ բացի արեւայրուքից, որի համար պատասխանատու են В UV-А եւ B ճառագայթները, արեւն արձակում է նաեւ С—շողեր, որոնք մոտ են ռենտգենի էֆեկտին եւ վնասակար են։
Բոլոր տիպի մաշկ ունեցողները պետք է արեւայրուքից հետո հետեւեն իրենց խնամքին։ Խորհուրդ է տրվում օգտագործել խոնավեցնող եւ փափկեցնող միջոցներ, քանի որ մաշկը չորանում է եւ հակված է լինում ճաքճքվածության։ Այրվածքների դեպքում ցուցված է պանտենոլն ու տարբեր սառեցնող սփրեյեր, որոնք պարունակում են ալոե։ Անհրաժեշտ է նաեւ շատ հեղուկ օգտագործել, հրաժարվել ալկոհոլից։
Պետք չէ շտապել. անվտանգ արեւայրուքի գլխավոր կանոնը։Արագ արեւայրուքը ռիսկային է՝ հատկապես, եթե մաշկը մինչ այդ նախապատրաստված չէ։
Արեւապաշտպան քսուկները խորհուրդ է տրվում օգտագործել բարակ շերտով, յուրաքանչյուր 30 րոպեն մեկ։
Արեւայրուքի համար լավագույն ժամերը առավոտյան 9-ից 11-00-ն է, իսկ երեկոյան 17:00- ից հետո։
Արեւը կարող է վտանգավոր լինել11-00-ից 15-00-ը։
Ինչպե՞ս արագ արեւայրուք ստանալ.
Արագ արեւայրուք կարելի է ստանալ ջրին մոտ գտնվելով։ Ջուրն ունի արեւի ճառագայթներն արտացոլող հատկություն, ձեր մաշկը շուտ է արեւայրուք վերցնում անգամ լողալիս, քանի որ ուլտրամանուշակագույն ճառագայթներն աշխատում են ջրի մեջ։ Ջրին մոտ գտնվելով արեւայրուք ստանալը մաշկի համար առավել անվտանգ է, քանի որ խոնավ օդը փափկացնում է մաշկն ու չի թողնում չորանալ։
Արեւայրուք ստանալիս շատ կարեւոր է նաեւ սնունդը. եթե ուզում եք արագացնել պրոցեսը, օգտագործեք բետա կարոտին պարունակող մթերքներ. օրինակ՝ գազար, ծիրան, դեղձ, ձմերուկ, դդում, սեխ։
