ԱՄՆ-ն ու Եվրոպան շահագրգռված են Ռուսաստանի և Իրանի դիրքերի թուլացմամբ և Հարավային Կովկասում սեփական կանոնների հաստատմամբ. Շոյգու
ՄԻՋԱԶԳԱՅԻՆ
ԱՄՆ-ն ու Եվրոպան շահագրգռված են Ռուսաստանի և Իրանի դիրքերի թուլացմամբ և Հարավային Կովկասում սեփական կանոնների հաստատմամբ։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն Անվտանգության խորհրդի գիտափորձագիտական խորհրդի նախագահության անդամների խորհրդակցության ժամանակ, հայտնում է ՏԱՍՍ-ը:
«Հաշվի առնելով այս միտումները՝ Ռուսաստանը պետք է գործի կետային, հասցեական, կոշտ կերպով պաշտպանելով իր շահերը։ Այն խնդիրը, որը ես ուզում եմ դնել ձեր առջև և դնում եմ՝ հետևել և վերլուծել իրավիճակի դինամիկան և տալ կոնկրետ առաջարկներ: Ոչ միայն Անդրկովկասի յուրաքանչյուր երկրի հետ մեր հարաբերությունների համատեքստում, այլև տարածաշրջանում երրորդ կողմերի գործողությունների մասով։ Որպեսզի մենք պատրաստ լինենք ոչ միայն արձագանքելու ծագող մարտահրավերներին, այլև ստեղծելու երկարաժամկետ բարենպաստ պայմաններ մեր ազգային շահերի իրականացման համար»,- նշել է Շոյգուն:
ՌԴ Անվտանգության խորհրդի քարտուղարի խոսքով՝ իրավիճակը տարածաշրջանում փոխվում է և շարունակում է փոխվել։
«Դրա վրա ազդում են նոր գործոններ, ներառյալ Հորմուզի նեղուցի շուրջ և Մերձավոր Արևելքում ճգնաժամերը, էներգակիրների գների աճը, հայ-ադրբեջանական հարաբերություններում փոփոխությունները, քաղաքականություն նոր մարդկանց գալը և շատ այլ բաներ», - արձանագրել է Շոյգուն։
