«Յուվենտուսը» վերջին րոպեին գոլ ընդունեց «Սասուոլոնից» և առաջին պարտությունը կրեց առաջնությունում
ՍՊՈՐՏ
Իտալական Ա Սերիայի 4-րդ տուրի շրջանակում «Սասուոլոն» սեփական հարկի տակ հյուրընկալեց «Յուվենտուսին»:
Հանդիպման առաջին խաղակեսում գոլեր չգրանցվեցին։ 65-րդ րոպեին տանտերերին հաշվի մեջ առաջ մղեց Էսպոզիտոն։ 81-րդ րոպեին Ժեգրովան հավասարեցրեց հաշիվը։ Բայց 89-րդ րոպեին տանտերերը նորից առաջ անցան հաշվի մեջ․ աչքի ընկավ Բոուին, իսկ մեկ րոպե անց կրկին հավասարությունը վերականգնեց Ժեգրովան։ Բայց դա էլ վերջը չէր․ հանդիպման վերջակետը դրեց Վասիլի Աջիչը, ով, ի դեպ, թուրինյան ակումբի սանն է։ Մրցավարի՝ հանդիպման ավարտն ազդարարող սուլիչից հետո, լուսատախտակին հաշիվը 3-2 էր։
«Յուվենտուսը» ակումբային ռեկորդ սահմանեց կազմում՝ իտալացի ֆուտբոլիստների քանակի առումով։ Գլխավոր մարզիչ Լուչիանո Սպալետին «Սասուոլոյի» դեմ մեկնարկային կազմում չընդգրկեց ոչ մի իտալացի ֆուտբոլիստի՝ բացառությամբ դարպասապահի։ Միակ տեղացի ֆուտբոլիստը դարպասապահ Գուլյելմո Վիկարիոն էր։ Նախկինում թուրինյան ակումբը երբեք լիգայի հանդիպում չէր սկսել առանց որևէ իտալացու խաղադաշտում (տվյալ դեպքում նկատի է առնվում բացի դարպասապահից մյուս դիրքերը)։
Այս խաղից հետո «Սասուոլոն» վաստակած 7 միավորով զբաղեցնում է Ա Սերիայի մրցաշարային աղյուսակի 9-րդ տեղը, իսկ «Յուվենտուսը» նույնքան միավորով զբաղեցնում է 8-րդ հորիզոնականը:
