ԵԱՏՄ-ից դուրս գալուց հետո Հայաստանը կբախվի լուրջ ճգնաժամի հետ
ՎԵՐԼՈՒԾՈՒԹՅՈՒՆՆԵՐ
Եթե Հայաստանը դուրս գա Եվրասիական տնտեսական միությունից (ԵԱՏՄ), ապա կբախվի լուրջ տնտեսական սթրես-թեստի, ասել է Ռուսաստանի գիտությունների ակադեմիայի Չինաստանի և ժամանակակից Ասիայի ինստիտուտի Կենտրոնական Ասիայի ուսումնասիրությունների կենտրոնի առաջատար գիտաշխատող Սերգեյ Միխնևիչը, գրում է ren.tv–ն։
«Եթե երկիրը պոտենցիալ դուրս գա միությունից, իսկ վերջինս հրաժարվի տրամադրել ԵԱՏՄ-ի շրջանակներում Հայաստանին և նրա արտադրողներին հասանելիք բոլոր արտոնությունները, դա կհանգեցնի Հայաստանի տնտեսության մեջ լուրջ ճգնաժամի», - ասել է նա։
Մասնագետի խոսքով ԵԱՏՄ-ում իրավիճակը, կարծես, հակառակն է այն բանին, ինչ նախկինում ասել էր ՀՀ վարչապետ Նիկոլ Փաշինյանը այդ միության կառուցվածքը կաթվածահարված անվանելով։
Միխնևիչը նշել է, որ Հայաստանը եվրասիական տնտեսական ինտեգրման հիմնական շահառուներից մեկն է, ինչի մասին վկայում են երկրի ՀՆԱ-ի աճի տեմպերը, մյուս անդամ երկրների հետ առևտրի ծավալները և ԵԱՏՄ շուկայում Հայաստանի միջոցով գործող օտարերկրյա պետությունների ակտիվությունը։
Մասնագետը ընդգծել է, որ Հայաստանի դիրքորոշումը կապված է երկրի Եվրամիության հետ մերձեցման կոնկրետ քաղաքական կուրսի հետ, չնայած ԵՄ անդամակցության հայտ դեռևս չի ներկայացվել։ Ընդ որում ԵԱՏՄ-ից իրական դուրս գալու դեպքում հանրապետությունը կկորցնի իր բոլոր առավելությունները։
Միխնևիչը զգուշացրել է, որ եվրոպական շուկա արագ մուտք գործելու հույս չկա, ինչը թույլ կտա փոխհատուցել մատակարարման ծավալների կորուստը։
Հիշեցնենք, որ ապրիլի 1-ին Փաշինյանի հետ հանդիպման ժամանակ Ռուսաստանի նախագահ Վլադիմիր Պուտինը հայտարարել էր, որ Հայաստանի միաժամանակյա անդամակցությունը և՛ ԵՄ-ին, և՛ ԵԱՏՄ-ին անհնար է դա անվանելով տնտեսական, այլ ոչ թե քաղաքական հարց։ Ռուսաստանի առաջնորդը նաև ընդգծել էր, որ Հայաստանը վաղ թե ուշ ստիպված կլինի ընտրություն կատարել։
Հուլիսի 27-ին էլ Փաշինյանը Պուտինի հետ հեռախոսազրույցում հայտարարել էր, որ Երևանը ԵԱՏՄ-ից դուրս գալու ծրագրեր չունի։ Զրույցի ընթացքում ՀՀ ղեկավարը կոչ էր արել լուծել Ռուսաստան հայկական արտահանման սահմանափակումների հարցը և նշել էր, որ ԵՄ-ին անդամակցության վերաբերյալ հանրաքվե կարող է տեղի ունենալ միայն այն ժամանակ, երբ հարցն ավելի կոնկրետանա։
Նյութը հրապարակման պատրաստեց Կամո Խաչիկյանը
www.1or.am
