Պենտագոնը թաքցրել է Հորդանանում իրանական hարվածներից հետո տասնյակ վիրավnր զինվnրականների մասին տեղեկատվությունը. NYT

Պենտագոնը թաքցրել է անցյալ շաբաթ Հորդանանում իրանական հարվածների հետևանքով վիրավորված ԱՄՆ ԶՈւ տասնյակ զինծառայողների մասին տեղեկատվությունը։ Այս մասին, հղում անելով աղբյուրներին, հայտնել է The New York Times (NYT) թերթը։

Հրատարակության տվյալներով՝ իրանական ԶՈւ-ն անցյալ շաբաթ չորս անգամ հարվածներ է հասցրել Հորդանանում ամերիկյան օբյեկտներին։ ԱՄՆ ԶՈւ Կենտրոնական հրամանատարությունը պաշտոնապես հայտնել էր, որ հուլիսի 17-ին հարվածների չորրորդ ալիքի ընթացքում զոհվել է ԱՄՆ երկու զինծառայող, մեկը համարվում է անհայտ կորած, չորսը հոսպիտալացվել են, ևս մի քանիսը ստացել են թեթև վնասվածքներ։

Այնուամենայնիվ, անցյալ շաբաթվա նախորդ երեք ալիքների հարվածների ընթացքում վիրավորվել են ԱՄՆ ԶՈւ տասնյակ զինծառայողներ, ինչի մասին Պենտագոնի կառույցները չեն հայտնել։ Բացի այդ, այդ գրոհների ժամանակ վնասվել են նաև ամերիկյան մի քանի զինվորական ուղղաթիռ։

Ինչպես NYT-ին հայտնել է Պենտագոնի ներկայացուցիչը, հրամանատարությունը պարտավոր չէ բացահայտել տեղեկատվություն վիրավորների մասին, եթե նրանց վնասվածքները թեթև են և թույլ են տալիս արագ վերադառնալ պարտականությունների կատարմանը։ Նա նաև հավելել է, որ նման տեղեկատվության բացահայտումը կօգներ Իրանի ԶՈւ-ին ավելի լավ գնահատել իրենց հարվածների արդյունավետությունը և ճշգրտել հաջորդ հարձակումները։