Շախմատի մինչև 18 տարեկան պատանիների խմբում Վաչե Հովակիմյանը կիսում է 1-2-րդ հորիզոնականները
ՍՊՈՐՏ
Շախմատի մինչև 18 տարեկան պատանիների խմբում Վաչե Հովակիմյանը կիսում է 1-2-րդ հորիզոնականները: Այս մասին հայտնում է Հայաստանի շախմատի ֆեդերացիան։
Հունիսի 15-ից 26-ը Իտալիայի Մոնտեսիլվանո քաղաքում անցկացվում է 2026 թվականի շախմատի աշխարհի 14-18 տարեկան պատանիների և աղջիկների առաջնությունը:
Մինչև 18 տարեկան պատանիների խմբում ՖԻԴԵ-ի վարպետ Վաչե Հովակիմյանը 6 հնարավորից ունի 5.5 միավոր և կիսում է 1-2-րդ հորիզոնականները:
Մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 5 միավոր և կիսում է 2-րդ հորիզոնականը:
Հայաստանը ներկայացնող բոլոր շախմատիստների արդյունքները 6-րդ խաղափուլից հետո՝
Վաչե Հովակիմյան՝ 5.5 միավոր (Մ18)
Տիգրան Համբարձումյան՝ 5 միավոր (Մ14)
Բենիկ Ագասարով՝ 4 միավոր (Մ18)
Ռուդոլֆ Փաշիկյան՝ 4 միավոր (Մ18)
Վահե Սուքիասյան՝ 4 միավոր (Մ18)
Տիգրան Սողոմոնյան՝ 4 միավոր (Մ16)
Արտեմ Մամիկոնյան՝ 4 միավոր (Մ14)
Անահիտ Մկրտչյան՝ 3.5 միավոր (Ա18)
Նվարդ Հայրապետյան՝ 3.5 միավոր (Ա18)
Սոնա Կրկյաշարյան՝ 3.5 միավոր (Ա16)
Անգելինա Միրաքյան՝ 3 միավոր (Ա14)
Գաբրիելա Հարությունյան՝ 2.5 միավոր (Ա14)
Վաղը հանգստյան օր է: 7-րդ խաղափուլը կմեկնարկի հունիսի 22-ին՝ Հայաստանի ժամանակով 17:00-ին:
