Մանրամասներ Մարտ Բաբայանի գաղտնի նշանդրեքի մասին

Life.Tert.am-ը գրում է.

Երգիչ Մարտ Բաբայանը երեկ գաղտնի նշանադրվել է։ Նրա ընտրյալը` 24–ամյա Էլենը, արբվեստաբան է։ Tert.am Life–ի հետ զրույցում  երգչի պրոդյուսեր Սոֆյա Գուլյանը հայտնեց, որ  մինչև վերջին վայրկյանը որոշել էին գաղտնի պահել ամեն բան, սակայն, ի վերջո, տեղի են տվել։

Նշանդրեքի արարողությունը կայացել է Սանկտ Պետերբուրգում։ Երգիչը նշում է, որ «Ամուսնացիր ինձ հետ» երգը խորհրդանշական դարձավ իր համար։ Երգը գրելուց 1 տարի անց նա խնդրում է Էլենին ամուսնանալ իր հետ։

«Արարողությունը կայացավ Սանկտ Պետերբուրգում, քանի որ աղջիկն այստեղից է։ Պետերբուրգի ամենալավ ռեստորաններից մեկն էին ընտրել։ Արարողության կազմակերպչական հարցերով Մարտն ու Էլենն են զբաղվել։

Զույգը ծանոթացել է 3-4 ամիս առաջ, երբ Մարտը համերգ է ունեցել Սանկտ Պետերբուրգում։ Էլենի մայրը ղեկավարում է Պետերբուրգում գործող «Հայաստան» պարի դպրոց-ստուդիան, նրա հրավերով Մարտը ելույթ է ունեցել պարի խմբի հետ։ Խմբում պարում է  նաև Էլենը։ Ի դեպ, հարսնացուն երեկ հատուկ պար է նվիրել սկեսուրին, քանի որ երեկ Մարտի մայրիկի ծննդյան տարեդարձն էր։

Սոֆյան նշեց, որ արարողությանը ներկա են եղել միայն ամենամտերիմ մարդիկ, շատերը չեն կարողացել գալ Սանկտ Պետերբուրգ։

Սոֆյան դեռևս չգիտի, թե երբ կկայանա հարսանիքը։ «Կարծում եմ` կրկին անակնկալ կանեն»,– նշեց նա։

Շարունակությունն՝ այստեղ.