40-ամյա Պոդոլսկին հրաժեշտ է տալիս մեծ ֆուտբոլին

Շաբաթ օրը՝ մայիսի 23-ին, հայտնի հարձակվողն իր հրաժեշտի հանդիպումը կանցկացնի լեհական «Գուրնիկ Զաբժեի» կազմում՝ Լեհաստանի առաջնության բարձրագույն լիգայի շրջանակում մրցելով «Ռադոմյակի» հետ: Խաղակոշիկները մեխից կախելուց անմիջապես հետո Պոդոլսկին կանցնի նոր գործունեության. նա կդառնա իր մանկության ակումբի՝ «Գուրնիկի» լիիրավ սեփականատերը:

Այս մասին պաշտոնապես հայտնել է լեհական ակումբի X-ի էջը.

Իր հարուստ և տպավորիչ կարիերայի ընթացքում Պոդոլսկին հանդես է եկել այնպիսի հայտնի ակումբներում, ինչպիսիք են գերմանական «Քյոլնն» ու Մյունխենի «Բավարիան», անգլիական «Արսենալը», իտալական «Ինտերը», թուրքական «Գալաթասարայը» և «Անթալյասպորը», ինչպես նաև ճապոնական «Վիսել Կոբեն»:

Գերմանիայի ազգային հավաքականի կազմում նա 2014 թվականին հռչակվել է Աշխարհի չեմպիոն։

Հավելենք, որ ընթացիկ մրցաշրջանում 40-ամյա Պոդոլսկին «Գուրնիկի» կազմում մասնակցել է 15 հանդիպման, սակայն դարպասի գրավմամբ աչքի չի ընկել։