Հայաստանի Մ21 հավաքականն արտագնա խաղում զիջեց Լեհաստանին
ՍՊՈՐՏ
Եվրոպայի 2027 թվականի մինչև 21 տարեկանների առաջնության որակավորման փուլի շրջանակում Հայաստանի երիտասարդական հավաքականը հյուրընկալվելիս ուժերը չափեց E խմբի առաջատարի՝ Լեհաստանի Մ-21 ընտրանու հետ:
Արմեն Գյուլբուդաղյանցի գլխավորած թիմն արտագնա խաղում պարտություն կրեց 1:4 հաշվով: Մեր ընտրանու կազմում հեղինակության միակ գնդակը խփեց Դավիթ Հակոբյանը՝ հանդիպման 69-րդ րոպեին անվրեպ իրացնելով նշանակված 11-մետրանոց հարվածը:
Ընթացիկ ընտրական մրցաշարում սա մեր հավաքականի 7-րդ անընդմեջ անհաջողությունն էր: Կայացած տուրերից հետո Հայաստանի Մ-21 ընտրանին միավոր չի վաստակել և եզրափակում է E խմբի մրցաշարային աղյուսակը՝ զբաղեցնելով վերջին՝ 6-րդ հորիզոնականը: Միևնույն ժամանակ, Լեհաստանի երիտասարդական հավաքականը շարունակում է իր անսխալ ելույթները՝ 7 խաղում տոնելով նույնքան հաղթանակ և վստահորեն գլխավորելով աղյուսակը:
Հիշեցնենք, որ Հայաստանի երիտասարդական հավաքականն իր հաջորդ ընտրական հանդիպումը կանցկացնի մարտի 31-ին՝ սեփական հարկի տակ հյուրընկալելով Հյուսիսային Մակեդոնիայի հասակակիցներին:
