Մեքսիկայից Կուբա ուղևորվող երկու հումանիտար նավ է անհետացել
ՄԻՋԱԶԳԱՅԻՆ
Կարիբյան ավազանում որոնողական-փրկարարական գործողություն է ընթանում Մեքսիկայից Կուբա ուղևորվող երկու անհետ կորած առագաստանավերի համար, որոնք լի են մարդասիրական պարագաներով, գրել է BBC-ն։
Մեքսիկայի ռազմածովային ուժերը հայտարարության մեջ նշել են, որ Մեքսիկան ուղարկել է ռազմածովային խմբեր և ռազմական որոնողական ինքնաթիռներ՝ գտնելու «Բարեկամություն» և «Tigger Moth» նավերը, որոնցում եղել է առնվազն ինը անձնակազմի անդամ։
Նավերը պետք է Հավանա ժամանեին երեքշաբթի կամ չորեքշաբթի, սակայն նրանցից որևէ հաղորդագրություն ու ժամանման հաստատում չի եղել։ Մեքսիկայի ռազմածովային ուժերը հայտարարել են, որ հանձնառու են օգտագործելու իրենց տրամադրության տակ եղած բոլոր ռեսուրսները՝ նավերը գտնելու և անձնակազմի անվտանգությունն ապահովելու համար։
Երկու անհետ կորած նավերը մարտի 20-ին են լքել Մեքսիկայի Կինտանա Ռոո նահանգի Իսլա Մուխերես քաղաքը։
Անձնակազմի ինը անդամները Լեհաստանից, Ֆրանսիայից, Կուբայից և ԱՄՆ-ից են։ Մեքսիկան հայտարարել է, որ կապ է հաստատել յուրաքանչյուր երկրի ծովային փրկարարական համակարգման կենտրոնների և նրանց դիվանագիտական ներկայացուցիչների հետ։
«Նավապետներն ու անձնակազմը փորձառու նավաստիներ են, և երկու նավերն էլ հագեցած են համապատասխան անվտանգության համակարգերով և ազդանշանային սարքավորումներով», - Reuters-ին տված մեկնաբանության մեջ ասել էնավախմբի խոսնակը։
«Մենք լիովին համագործակցում ենք իշխանությունների հետ և շարունակում ենք վստահ լինել անձնակազմի Հավանա անվտանգ հասնելու կարողության մեջ»։
