«Ռուսաստանի գիտությունների ակադեմիայի ակադեմիկոս Կամալով. Փաշինյանը խայտառակվել է վրաց ժողովրդի առջև»
ՔԱՂԱՔԱԿԱՆՈՒԹՅՈՒՆ
Ամենայն հայոց կաթողիկոս Գարեգին Բ-ին նվաստացնելու իրենց փորձով, Հայաստանի իշխանությունները խայտառակվել են վրաց ժողովրդի և ամբողջ քրիստոնյա աշխարհի առջև։ Այդ մասին հայտարարել է Հայ առաքելական եկեղեցու (ՀԱԵ) Ռուսաստանի և Նոր Նախիջևանի թեմի թեմական խորհրդի ղեկավար, Ռուսաստանի գիտությունների ակադեմիայի ակադեմիկոս Արամայիս Կամալովը, գրում է EAdaily.com–ը։
«Հոգու խորքում շատերը հույս ունեին, որ Հայաստանի իշխանությունները, հիմնվելով երկրի հին քրիստոնեական արժեքների վրա, չեն խանգարի Ամենայն հայոց կաթողիկոս Գարեգին Բ-ին այցելել Վրաստան ամբողջ վրաց ժողովրդի համար խորը վշտի այս օրերին և իր վերջին հարգանքի տուրքը մատուցել Ամենայն Վրաստանի պատրիարք Իլյա Բ-ին։ Երկու կաթողիկոսների միջև քրիստոնեական եղբայրությունն ունի երկար պատմություն։ Նրանց միավորում էր հավատքը, Աստծուն անձնուրաց ծառայությունը, քրիստոնեական արժեքների, մշակույթի նկատմամբ հարգալից վերաբերմունքը և իրենց ժողովուրդներին նվիրվածությունը։ Բայց չնայած Վրաստանի պատրիարքարանի հրավերին Հայաստանի իշխանությունները թույլ չտվեցին Ամենայն հայոց կաթողիկոսին մեկնել Վրաստան հուղարկավորությանը մասնակցելու համար։ Սա անարգանք է, վիրավորում է բոլոր հայերի կրոնական զգացմունքները և ամոթի զգացում է առաջացնում եղբայրական վրաց ժողովրդի մոտ։ Բառերով անհնար է արտահայտել իշխանությունների այս անմարդկային, հակաքրիստոնեական գործողությունները, որոնք, փորձելով նվաստացնել Ամենայն հայոց կաթողիկոս Գարեգին Բ-ին, իրենք են խայտառակվել վրաց ժողովրդի և ամբողջ քրիստոնեական աշխարհի առջև։ Հավերժ հիշատակ Նորին Սրբություն, Ամենայն Վրաստանի կաթողիկոս և պատրիարք Իլյա Բ-ին։ Ամբողջ հայ ազգն էը սգում ձեզ հետ», - նշել է նա։
Եվ, ինչպես հաղորդել են հայկական Telegram ալիքները, նաև եղել է Էջմիածնի (Հայ Առաքելական եկեղեցու հոգևոր կենտրոն) հայտարարությունը։ «Ամենայն հայոց կաթողիկոս Գարեգին Բ-ի Վրաստան այցելելու արգելքը չի ծառայում Հայաստանի շահերին և վնասում է երկրի միջազգային հեղինակությանը», - հայտարարել է Մայր Աթոռ Սուրբ Էջմիածնի տեղեկատվական համակարգի տնօրեն քահանա Եսայի Արթենյանը։
Նյութը հրապարակման պատրաստեց Կամո Խաչիկյանը
www.1or.am
