Թրամփը ցանկանում է ավարտել Իրանի հետ պшտերազմը մինչև մայիսի կեսերը. The Wall Street Journal

ԱՄՆ նախագահ Դոնալդ Թրամփը իր համակիրներին հայտարարել է, որ կցանկանար խուսափել Իրանի հետ ձգձգվող պատերազմից և ավարտել այն առաջիկա շաբաթների ընթացքում, գրում է The Wall Street Journal-ը:

WSJ-ի զրուցակիցների տվյալներով՝ Սպիտակ տանը հույս ունեն, որ մինչև մայիսի 14-15-ը նախատեսված Թրամփի և Չինաստանի ղեկավար Սի Ծինփինի հանդիպումը պատերազմն ավարտված կլինի:

Պարբերականի աղբյուրները պատմել են, որ Թրամփը մասնավոր զրույցներում իր խորհրդականներին հայտնել է, որ, իր կարծիքով, Իրանի հետ պատերազմը գտնվում է եզրափակիչ փուլում, և նա գտնում է, որ պետք է հավատարիմ մնալ ռազմական գործողությունների իրականացման համար նախկինում հնչեցված չորսից վեց շաբաթ ժամկետներին:

«Հենց սկզբից մենք հույս ունեինք մարտական գործողությունների չորս-հինգ շաբաթ տևողության վրա, բայց մենք հնարավորություն ունենք պատերազմը շատ ավելի երկար վարելու»,- ասել էր Թրամփը:

Պարբերականը նշում է, որ մարտի վերջի դրությամբ Թրամփը պատերազմը դադարեցնելու հեշտ տարբերակներ չունի, իսկ խաղաղ բանակցությունները դեռևս գտնվում են սկզբնական փուլում:

WSJ-ի աղբյուրները նաև հայտնել են, որ ԱՄՆ նախագահը կարծում է, թե Իրանի պատերազմը շեղում է իրեն այլ նպատակներից: Թե որն է այդ նոր նպատակը, Թրամփը չի հստակեցրել, սակայն պարբերականի որոշ զրուցակիցներ ենթադրել են, որ խոսքը կարող է վերաբերել Կուբայում վարչակարգի փոփոխությանը: