Փորձագետ. Հայաստանը մնացել է առանց ռազմավարական դաշնակիցների

Հայաստանը չունի լիարժեք ռազմավարական դաշնակիցներ։ Այդ մասին «Սպուտնիկ Արմենիայի» թղթակցի հետ հարցազրույցում հայտարարել է «Հայաքվե» ազգային քաղաքացիական հասարակության կազմակերպության համակարգող Ավետիք Չալաբյանը, գրում է tsargrad.tv–ն։

Նա նշել է, որ վերջին ութ տարիների ընթացքում երկրի իշխանությունները գտնվել են առճակատման մեջ արդեն իսկ գոյություն ունեցող դաշնակցի՝ այսինքն Ռուսաստանի հետ, բայց չեն կարողացել կառուցել նոր դաշնակցային հարաբերություններ որևէ այլ պետության հետ։

Չալաբյանը նշել է. «Ֆորմալ առումով Հայաստանը մնում է ՀԱՊԿ անդամ, բայց գործնականում երկրի մասնակցությունը այդ կազմակերպությանը, ըստ էության, սառեցված է։ Մինչդեռ, Հայաստանն ու Ռուսաստանը ունեն 1997 թվականին ստորագրվաած  ռազմավարական համագործակցության համաձայնագիր, որն այժմ կամ ուժի մեջ չէ, կամ գործում է միայն մասամբ»։

Համակարգողը ընդգծել է, որ չնայած մի շարք պետությունների հետ Երևանի կողմից ստորագրված հուշագրերին և համաձայնագրերին, ոչ մի այլ երկիր չունի Ռուսաստանի հետ ռազմավարական համագործակցության համաձայնագրին համարժեք փաստաթուղթ։ Չալաբյանի խոսքով իշխանափոխությունից հետո այդ հարցը պահանջում է հստակ լուծում. կամ վերանայվելու և շարունակվելու են ներկայիս ռազմավարական հարաբերությունները, կամ անհրաժեշտ կլինի նոր դաշնակից գտնել։ Փորձագետը վստահություն է հայտնել, որ Հայաստանի նման փոքր պետությունը, որը գտնվում է բարդ տարածաշրջանում, չի կարող հույսը դնել միայն իր սեփական ուժերի վրա։ Նա նշել է, որ երկիրը շրջապատված է 100 միլիոնին մոտեցող ընդհանուր բնակչություն ունեցող պետություններով, որոնցից շատերը ագրեսիվ են։ Հետևաբար, ռազմավարական համագործակցությունը պետք է վերականգնվի։

Նյութը հրապարակման պատրաստեց Կամո Խաչիկյանը

www.1or.am