Վրաստանը լրացուցիչ հողատարածք կպետականացնի Հայաստանն ու Ադրբեջանը կապող մայրուղու կառուցման համար

Վրաստանի էկոնոմիկայի նախարարությունը հայտարարել է Ռուսթավի-Սադախլո և Ռուսթավի-Կարմիր կամուրջ մայրուղիների կառուցման համար լրացուցիչ հողատարածքների պետականացման մասին, գրում է bm.ge–ն: Նախարարի հողերի գերակա շահ ճանաչելու հրամանը հրապարակվել է «Օրենսդրական տեղեկագրում» և հիմնականում նախատեսում է Մարնեուլի մունիցիպալիտետում հողերի ձեռքբերում:

Էկոնոմիկայի նախարարությունը նմանատիպ հրամաններ է հրապարակել 2025 թվականի սեպտեմբերին և մայիսին, ինչպես նաև 2024 թվականին, որոնց համաձայն նախագծի համար անհրաժեշտ հողատարածքը պետական գերակա շահ է ճանաչվել:

Նոր հրամանի համաձայն 1737 քառակուսի մետր և 1457 քառակուսի մետր հողամասերը բռնի պետականացվել են:

Օրենքի համաձայն դրա դեպքում գույքը կարող է բռնագրավվել միայն արդար և նախնական փոխհատուցման հիման վրա: Եթե կողմերը չեն կարողանում համաձայնության գալ փոխհատուցման չափի շուրջ, վեճը պետք է լուծվի դատարանում:

Հղման համար, Վրաստանը Հայաստանի և Ադրբեջանի հետ կապող նոր մայրուղին կսկսվի Ռուսթավի քաղաքից և կշարունակվի դեպի Կարմիր կամուրջ և Սադախլո: Նախագծի միջազգային մրցույթներն արդեն հայտարարվել են (Լոտ 1 և Լոտ 2, Լոտ 3 և Լոտ 4):

Նախագիծը կներառի 61.3 կիլոմետր երկարությամբ, չորս գոտի ունեցող բետոնե մայրուղու կառուցում արտաքին լուսավորության համակարգով, 26 կամուրջներով և 11 հանգույցներով, որոնք կհամապատասխանեն միջազգային ճանապարհային անվտանգության բոլոր անհրաժեշտ պահանջներին:

Նոր մայրուղու կառուցումը ֆինանսավորվում է Եվրոպական ներդրումային բանկի կողմից տրամադրված 250 միլիոն եվրո վարկով:

Նախագծի մրցույթն առաջին անգամ հայտարարվել էր 2024 թվականի օգոստոսին, սակայն 2026 թվականի փետրվարին Ճանապարհային վարչությունը որոշել էր չեղարկել այն մրցակցության ցածր մակարդակի պատճառով:

Նյութը հրապարակման պատրաստեց Կամո Խաչիկյանը

www.1or.am